Por E.P. | A CORUÑA | 15/10/2019
A cabeza de lista do BNG ao Congreso pola provincia da Coruña nas próximas eleccións xerais, Néstor Rego, reivindicou a esta formación como a "chave" para que Galicia teña "maior peso político e económico".
Fíxoo nun xantar informativo cos medios de comunicación, no que subliñou que a formación nacionalista está a sumar, nestes comicios, apoios de persoas "desencantadas" con outras forzas políticas.
Acompañado do portavoz do BNG no Concello da Coruña, Francisco Jorquera, e a concelleira Avia Veira, Rego mostrouse convencido de que nestas eleccións o BNG recuperará a representación no Congreso "como voz necesaria e urxente de Galicia en Madrid".
En canto aos obxectivos do BNG, dixo que están "facer fronte ao desmantelamento industrial que pon en risco unha gran cantidade de postos de traballo"; a defensa dun novo status político para Galicia, "encamiñada a conseguir unha maior capacidade para decidir, un autogoberno máis real" e "defender a democracia", dixo en referencia á sentenza do 'Procés' que, ao seu xuízo, "criminaliza dereitos" como o de manifestación.
¿Gustouche esta nova?
Colabora para que sexan moitas mais enviando un SMS coa palabra GC ao 25511
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións). Agradecemos a túa colaboración.
A cabeza de lista do BNG ao Congreso, Néstar Rego, nun xantar informativo xunto aos concelleiros Francisco Jorquera e Avia Veira. BNG / Europa Press