Falta de membros da mesa, papeletas, urnas ou pegamento nas fechaduras entre as primeiras incidencias do 10N

Abertas as 3.954 mesas electorais en Galicia, a última en Ourense que ampliará horario ata as 20,29 horas.

Por Europa Press / Redacción | SANTIAGO DE COMPOSTELA | 10/11/2019

As 3.954 mesas electorais despregadas en Galicia durante a xornada deste domingo con motivo da celebración das eleccións xerais quedaron constituídas ás 9,29 horas. A última foi a situada no Xardín Maternal do Couto, en Ourense, que ampliará o seu horario de votación ata as 20,29 horas.

Así o informou a Delegación do Goberno nun comunicado, no que asegura que "todas as mesas da Coruña, Lugo e Pontevedra abriron con normalidade ás 9,00 horas", mentres que en Ourense atrasouse o colexio electoral Xan Pío X, ademais da do Xardín Maternal.

As incidencias principais que se produciron foron pola ausencia de membros das mesas, que foron solucionadas coa presenza de membros suplentes ou por persoas indicadas polas correspondentes xuntas electorais.

En total, 2,7 millóns de persoas poden elixir en Galicia ás 23 persoas que representarán á Comunidade no Congreso e ás 16 que o farán no Senado, pertencentes a cada unha das catro provincias. Poderán optar entre 46 candidaturas ao Congreso, polas 49 de abril, e 44 ao Senado, por 47 dos últimos comicios.

INCIDENCIAS

Segundo apuntou a Delegación do Goberno en Galicia, en canto ás incidencias na provincia da Coruña, no colexio do centro cívico de San Pedro de Visma presentáronse dous presidentes para a mesma mesa, polo que a Xunta Electoral de Zona decidiu o que finalmente foi nomeado.

Mentres, no colexio de Recimil-Ferrol tívose que constituír unha mesa con membros doutra mesa, debido a que marcharan xa os suplentes. E no IES Otero Pedrayo da Coruña non había mesas, que foron achegadas polo Concello.

Pola súa banda, no Centro de Formación de Someso faltaban papeletas e documentación en tres mesas. E en Teo, na Escola de Casalonga, atopouse a fechadura con pegamento, pero abriuse o colexio e constituíronse as dúas mesas existentes ás 9,00 horas.

Na provincia de Ourense, no colexio Ferro da Universidade non se presentou ningún membro da mesa, nin titulares nin suplentes. Ademais, faltaron membros da mesa noutros sete colexios electorais. E nunha mesa do colexio electoral do Edificio Xurídico Empresarial de Ourense faltaban dúas urnas.

Ademais, no colexio electoral do Xardín Maternal do Couto atrasouse a constitución como consecuencia de diferenzas de criterios para determinar os membros da mesa, sinalaron as mesmas fontes.

E na provincia de Lugo, no colexio electoral As Casiñas da Praza do Campo da Compañía, en Monforte, e seguindo instrucións da Xunta Electoral, constituíuse a mesa tendo como segundo vogal ao primeiro elector desa mesa. Na de Pontevedra "non houbo incidencias reseñables", subliñou a Delegación do Goberno.

¿Gustouche esta nova?
Colabora para que sexan moitas mais enviando un SMS coa palabra GC ao 25511



Comenta

Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións). Agradecemos a túa colaboración.

¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe






¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe



Mesa con papeletas nun colexio electoral / EP

Esta sección conta coa financiación da Deputación de Lugo, do Fondo Europeo de Desenvolvemento Rexional e do Ministerio de Industria, Enerxía e Turismo.