Por Europa Press / Redacción | SANTIAGO DE COMPOSTELA | 10/11/2019
A participación nas eleccións xerais ata as 14,00 horas sitúase na Comunidade galega no 31,93% co 98,63% das mesas analizadas, segundo os datos ofrecidos na páxina web do Ministerio do Interior, 'https://resultados.10novembro2019.es/'.
Nas eleccións do 28 de abril de 2019 a participación á mesma hora era do 36,97%, polo que durante as primeiras horas da celebración destes comicios, este valor reduciuse 5,04 puntos porcentuais no conxunto de Galicia.
POR PROVINCIAS
En concreto, todas as provincias presentan neste primeiro avance cifras de participación máis baixas que o 28 de abril de 2019. Na Coruña 291.491 cidadáns xa acudiron ás mesas electorais para votar, o que supón o 31,40% dos censados. Pola súa banda, o 32,91% de pontevedreses con dereito a voto (254.318) xa visitaron as urnas.
En Ourense, 85.992 galegos votaron desde a apertura das mesas electorais, o que significa un 33,18% dos censados. Por último, ata este momento, 83.770 censados en Lugo depositou o seu voto nas súas circunscricións da provincia.
A esta hora da tarde, todas as mesas de Galicia permanecen abertas e a apertura das mesmas transcorreu sen incidentes. Ademais, todos os líderes políticos da esfera galega xa exerceron o seu dereito ao voto.
CONXUNTO ESTATAL
Con respecto ao resto do Estado, os datos nacionais non distan dos galegos aínda que mostran un maior índice de participación. A tal hora, o 37,93% dos españois xa participaron nas eleccións deste domingo.
¿Gustouche esta nova?
Colabora para que sexan moitas mais enviando un SMS coa palabra GC ao 25511
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións). Agradecemos a túa colaboración.
Ainda tedes dúas horas para darlle unha boa patada no cú a los traidores !!! https://twitter.com/GamelaNova/stat...
A esquerda, baixo mínimos debido ao sectarismo e á torpeza de case todos. Refírome a todo o que hai á esquerda da falsa esquerda que é o PSOE. Sobre todo en Galiza, unha forza como o BNG é a mellor aliada do PP para que se eternice no goberno. Por que? Pois porque na súa teima de ir sempre en solitario ás eleicións favorece a eterna derrota da esquerda en Galiza. Todo o máis pode conseguir sumar algo máis que a dereita xuntándose co PSOE e repetindo a desastrosa experiencia do "bipartito" cando o matado do Quintana entrou no goberno de Touriño para facer unha pseudopolítica de esquerdas que facilitou que nas seguintes eleicións volvesen os fachas do PP ao goberno.
Mesas electorais en Galicia e votantes nas eleccións xerais do 10 de novembro de 2019 / Europa Press
