O galego Guillermo Meijón, o primeiro deputado en acreditarse no Congreso tras o 10N

Tras completar todos os formularios que esixen as normas da Cámara, os novos deputados recibirán o kit tecnolóxico que a institución pon á súa disposición e que consta dun iPhone e un iPad.

Por E.P. | MADRID | 18/11/2019

O socialista galego Guillermo Meijón foi o primeiro dos 350 deputados elixidos os comicios do pasado 10 de novembro que acudiu este luns á Cámara Baixa para presentar as súas credenciais. Esta será a súa quinta lexislatura pois foi deputado por Pontevedra desde o ano 2011.

Nesta ocasión, Meijón adiantouse ao seu compañeiro de filas e deputado por Cuenca Luis Carlos Sahuquillo, que nas últimas lexislaturas vén 'pugnando' por ser o primeiro en realizar este trámite. Conseguiuno en 2016, posto que tras os comicios de abril foi a entón presidenta, a 'popular' Ana Pastor, a que lle arrebatou ese 'título' e tras o 10N, fíxoo Meijón.

Ambos foron os primeiros en desfilar polo Palacio da Carreira de San Jerónimo este luns, o primeiro día que habilitou a Cámara Baixa para que os deputados electos poidan realizar, persoalmente ou mediante intermediarios, todo o papelorio necesario para acreditarse, un trámite que poderán realizar desde as dez da mañá e ata as seis da tarde.

En concreto, os parlamentarios saídos das urnas o pasado 10N deberán declarar os seus bens e patrimonio, e terán tamén que encher unha declaración dos seus intereses especificando de que empresas viñan cobrando ata agora.

RECIBIRÁN UN IPHONE E UN IPAD

Tras completar todos os formularios que esixen as normas da Cámara, deberán facerse unha fotografía para a súa ficha parlamentaria e recibirán parte do kit tecnolóxico que a institución pon á súa disposición para facilitar o seu traballo parlamentario e que consta dun iPhone e un iPad.

Iso si, os donos dos escanos do Congreso non perfeccionarán a súa condición de deputados ata que xuren ou prometan a Constitución na sesión constitutiva do novo Congreso, prevista para o próximo 3 de decembro.

Os novos deputados cobrarán o seu primeiro soldo a finais de decembro, o mes da sesión constitutiva da Cámara, pero nesa primeira nómina incluirase a parte proporcional do soldo correspondente aos días que median entre o 11 e o 30 de novembro.

¿Gustouche esta nova?
Colabora para que sexan moitas mais enviando un SMS coa palabra GC ao 25511



Comenta

Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións). Agradecemos a túa colaboración.

¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe






¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe



Acreditacións deputados Congreso. CONGRESO - Arquivo / Europa Press

Esta sección conta coa financiación da Deputación de Lugo, do Fondo Europeo de Desenvolvemento Rexional e do Ministerio de Industria, Enerxía e Turismo.