En Común promete un "plan de estabilización" na enfermaría pública para cubrir "especialidades deficitarias"

A coalición denuncia que Galicia "é a terceira comunidade co peor cociente" de enfermeira por paciente, á vez que asegura que a Xunta "oculta" información sobre os postos de traballo e as necesidades de cada servizo.

Por Europa Press / Redacción | SANTIAGO DE COMPOSTELA | 26/05/2020

A coalición Galicia en Común-Anova Mareas comprometeuse a impulsar desde a Xunta un "plan de estabilización" para a enfermaría da sanidade pública que atenda aquelas especialidades que actualmente atravesan unha situación "deficitaria".

Este martes, o candidato á Presidencia da Xunta pola coalición, Antón Gómez-Reino, e a cabeza de lista por Pontevedra, Eva Solla, mantiveron un encontro telemático co colectivo 'Enfermeiras Eventuais en Loita'.

A plataforma denuncia que Galicia "é a terceira comunidade co peor cociente" de enfermeira por paciente, á vez que asegura que a Xunta "oculta" información sobre os postos de traballo e as necesidades de cada servizo.

Na reunión, a candidatura de coalición comprometeuse a, en caso de alcanzar responsabilidades de goberno, "estabilizar o emprego do persoal e facer unha radiografía nova das necesidades de cada servizo para poder sacar novas prazas de enfermaría en varios exercicios".

"A clave da nosa sanidade pública está nos seus profesionais e debemos coidalos", manifestou a cabeza de lista, Antón Gómez-Reino, que puxo o foco na necesidade de reforzar aquelas especialidades que atravesan situacións "deficitarias".

Así mesmo, tamén se comprometeron a actualizar as categorías profesionais e as funcións en enfermaría, persoal técnico e auxiliar de enfermaría, así como a recoñecer as celadoras e celadores como persoal sanitario.

¿Gustouche esta nova?
Colabora para que sexan moitas mais enviando un SMS coa palabra GC ao 25511



Comenta

Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións). Agradecemos a túa colaboración.

¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe






¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe



Conferencia de En Común con Enfermeiras Eventuais en Loita. EN COMÚN / Europa Press

Esta sección conta coa financiación da Deputación de Lugo, do Fondo Europeo de Desenvolvemento Rexional e do Ministerio de Industria, Enerxía e Turismo.