A Coruña crea uns sinais para facilitar as distancias nas terrazas

O consistorio entregaralles aos establecementos que o soliciten uns vinilos con mensaxes que pretenden axudar á hostalaría a cumprir as medidas de seguridade.

Por E.P. | A CORUÑA | 28/05/2020

O Concello da Coruña, a través do Consorcio de Turismo e coa colaboración da Concellaría de Mobilidade, impulsou unha sinalética que ten como finalidade distinguir os locais que nas súas terrazas aplican medidas para previr contaxios polo COVID-19 e ofrecer seguridade á clientela.

Esta iniciativa, proposta polo sector hostaleiro, servirá para facilitarlles aos establecementos a distribución dos espazos nas súas terrazas.

No acto de presentación, estiveron presentes a xerente do Consorcio, Lanzada Calatayud, os concelleiros de Turismo e Mobilidade, Juan Ignacio Borrego e Juan Díaz Villoslada, respectivamente, e o representante da hostalaría da Marina, Antón Sáez.

Sobre a iniciativa, Sáez sinalou que para o sector era moi importante que toda a sinalética "levara a marca do concello". No marco da mesma, o consistorio entregaralles aos establecementos que o soliciten uns vinilos con mensaxes que pretenden axudar á hostalaría a cumprir as medidas de seguridade impostas polas autoridades sanitarias.

Ao mesmo tempo, permite garantir á veciñanza e ás persoas visitantes que este verán cheguen á cidade que se respectan as indicacións. Serve, ademais, para que os locais presenten unha estética homoxénea, en especial nas zonas máis turísticas da cidade.

Por iso, a sinalética empezará a colocarse na Marina, por ser "a fachada máis visible" da Coruña, e irase implantando a medida que a pidan os locais de hostalaría do centro.

¿Gustouche esta nova?
Colabora para que sexan moitas mais enviando un SMS coa palabra GC ao 25511



Comenta

Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións). Agradecemos a túa colaboración.

¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe






¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe



Turismo da Coruña e o Concello presentan unha sinalética para axudar a cumprir as distancias en terrazas. ANDY PEREZ / Europa Press

Esta sección conta coa financiación da Deputación de Lugo, do Fondo Europeo de Desenvolvemento Rexional e do Ministerio de Industria, Enerxía e Turismo.