Por Galicia Confidencial | Ourense | 12/07/2020
O BNG denuncia "irregularidades" nunha mesa de votación de Rairo, no Concello de Ourense, tras a votación de varias electoras, "con capacidades físicas mermadas", trasladadas en vehículos por traballadores da residencia de anciáns e acompañadas por monxas.
A formación nacionalista advirte de que os centros onde están ingresadas estas electoras aínda manteñen restrinxidas as visitas de familiares. Os nacionalistas critican que as monxas que as acompañaban e o persoal laboral negásense a que as familias das residentes puidesen visitalas "e agora a xerencia mesmo esta levándoas a votar".
A este respecto, a formación frontista precisou que entre os acompañantes das residentes no colexio electoral atopábanse monxas e persoal do centro, así como outras persoas que non eran familiares das mesmas.
Así, detallou que estas electoras foron levadas en vehículos ao seu colexio electoral por profesionais da residencia e avanzou que trasladará esta información e outras prácticas "irregulares" rexistradas na mesa electoral de Rairo á xunta electoral.
¿Gustouche esta nova?
Colabora para que sexan moitas mais enviando un SMS coa palabra GC ao 25511
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións). Agradecemos a túa colaboración.
Unha persoa que mora nunha residencia como esta ten dereito ir votar e as persoas encarregadas de asistila son quen deben garantir o exercicio do dereito se esa for a vontade do residente. A "carretaxe" en si propia non proba nada, os que denuncian deberían demostrar que existe unha alteración da vontade do eleitor ou que tal eleitor realmente non está capacitado para emitir o voto
Os cuase mortos votando cunha pequena axudiña...e os que xa o están votando por correo. Todo pra que o sistema latrocinico ispano continúe atado e ven atado. E a xunta electoral trifachita ó servizo do mugrento bipartidismo...
Imaxes facilitadas polo BNG denunciando carretaxe de persoas maiores dunha residencia a un colexio da zona de Rairo en Ourense nas eleccións de xullo de 2020
Partidos da oposición denuncian o carretaxe duns enfermos que foron trasladados a votar en cadeira de rodas en situacións semellantes a esta producida en 2016