A ultradereita de Vox roe o seu fracaso en Galicia: "Máis Feijóo é máis separatismo"

O partido de Santiago Abascal quedou lonxe de entrar no Parlamento e lanza críticas contra os comicios, dos que din que non foron "libres e democráticos".

Por Galicia Confidencial | LUGO | 12/07/2020

A ultradereita organizada de Vox queda fóra do Parlamento galego. O electorado non se rende ante o discurso provocativo e duro de Abascal e compañía; no canto diso, prefiren un Feijóo disfrazado de moderado que xa é vello coñecido do país. Non lles gustaron os resultados aos dirixentes de Vox e así o fixeron saber na súa única comparecencia da noite ante os medios, unha intervención cargada de críticas durísimas e nunca exentas das grandiosidades ás que nos teñen acostumadas.

O secretario xeral de Vox, Javier Ortega-Smith, acompañou no Hotel Porta do Camiño, en Santiago de Compostela, o equipo de Vox en Galicia. Entre bandeiras de España e un fondo verde, Ortega-Smith cargou contra unhas eleccións que, segundo el, "non foron libres e democráticas". Elevou o ton para condenar as supostas agresións, "coaccións e ameazas" das que din ser vítimas en cada acto que organizan. 

"Non é a escusa de mal perdedor", aseguraba, pero o certo é que non cumpriron coa súa expectativa de entrar no hemiciclo. Aínda así, obtiveron algo máis de 26.000 papeletas que soan arrepiantes a pesar de quedar lonxe do 5% en todas as provincias: no conxunto galego foi a quinta forza en número de votos, por detrás de Galicia en Común, pero moi por diante doutros partidos como a Marea Galeguista ou Ciudadanos.

Posteriormente, Ortega Smith deixou unha mensaxe de "esperanza para todos os galegos que viron con preocupación os resultados", porque "máis Feijóo é máis separatismo e máis totalitarismo". "Canto máis Feijóo e PP na Xunta, máis soben os separatistas, os amigos dos proetarras e os totalitarios", dixo, en vista dos 19 escanos do BNG.

Fronte a iso, aseguran que "hai unha boa noticia": "Vox está aquí", din. Pero non moito. Marchan para a casa a cabalo duns resultados insuficientes para eles, a trote lento cara á Meseta e cun ollo posto en Euskadi, onde por primeira vez obterían un deputado.

¿Gustouche esta nova?
Colabora para que sexan moitas mais enviando un SMS coa palabra GC ao 25511



Comenta

Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións). Agradecemos a túa colaboración.

¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe






¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe



O presidente de Vox, Santiago Abascal, durante un acto electoral de Vox en Santiago de Compostela / César Arxina - Europa Press

Esta sección conta coa financiación da Deputación de Lugo, do Fondo Europeo de Desenvolvemento Rexional e do Ministerio de Industria, Enerxía e Turismo.