Por Europa Press / Redacción | SANTIAGO DE COMPOSTELA | 15/07/2020
Podemos Galicia encara un proceso de reconstrución que, despois dun período de reflexión ao longo deste verán, arrincará en setembro cunha conferencia política da que sairá o rumbo do partido tras o pau sufrido nas urnas o pasado domingo 12 de xullo, cando a coalición Galicia En Común-Anova Mareas --na que o partido morado actuou como 'motor'-- naufragou ao non lograr representación na próxima lexislatura da Cámara galega.
Así o trasladou o secretario xeral da formación, Antón Gómez-Reino, na reunión celebrada na tarde noite do pasado martes, segundo informaron a Europa Press fontes da organización morada.
48 horas despois do "inesperado" revés nas urnas que o propio Gómez-Reino asumiu "en primeira persoa" na súa comparecencia antes os medios durante a noite electoral, Podemos convocou ao Consello Cidadán Autonómico (CCA), máximo órgano de dirección do partido morado galego.
Alí, Gómez-Reino (que o domingo non aceptou preguntas e que non compareceu ante os medios desde entón) trasladou a súa intención de abrir un período de reflexión para analizar as causas do desastre, algo que será profundado en detalle noutra reunión do CCA dentro de dúas semanas.
Así as cousas, a folla de ruta da organización pasa pola celebración o mes de setembro dunha conferencia política na que se abordará a "reconstrución" do partido ante un escenario sen procesos electorais á vista no medio prazo, no que carecerá de representación institucional en Galicia.
GÓMEZ-REINO
Deste xeito, Antón Gómez-Reino queda como o único representante nas institucións galegas de Podemos Galicia coa súa acta de deputado no Congreso dos Deputados, onde ademais exerce a presidencia da Comisión de Traballo.
No caso de producirse a súa renuncia, a lista coa que Galicia En Común-Unidas Podemos concorreu ás xerais do 10 de novembro correría ao segundo posto pola Coruña.
Ese lugar ocúpao Loreto Taibo, membro de Esquerda Unida, organización á que pertence a outra deputada da coalición no Congreso, a ministra de Traballo, Yolanda Díaz, que decidiu reter o seu escano tras o seu nomeamento, do mesmo xeito que os outros catro ministros de Unidas Podemos (Manuel Castells non é parlamentario nin milita en ningún partido).
¿Gustouche esta nova?
Colabora para que sexan moitas mais enviando un SMS coa palabra GC ao 25511
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións). Agradecemos a túa colaboración.
Ninguén opina da espantada españolista da nacionalización de Alcoa. Tanta nación e pátria para nada
dixo que asumia as responsabilidades... pero segue de deputado, en verdade debeu dimitir cando se presentou o cargo de presidente de Galicia... pero non todo e calculo... nen rupturismo... nen nova política nen ren de ren... un-ha farsa todo.... o outro tamen debeu dimitir cando perdeu a alcaldía de SantiAGE, o de coruña o fixo... esperaba algo que non lle deron meteron o toneti pois a anovacion non conta para nada son escravos do señor maior matusalen... NON FUTURE MEUS!!!!
Un par de meses que coincidan cas Cortes pechadas é o que necesita o home para que se esqueza o da sua dimisión como diputado. Non sabe nada o tío.
Antón Gómez-Reino, secretario xeral de Podemos Galicia. PODEMOS GALICIA - Arquivo / Europa Press
