O PPdeG di que non se poden contratar máis médicos "porque non os hai no mercado laboral"

Responsabiliza ao Goberno central da falta de persoal en Atención Primaria.

Por Europa Press / Redacción | VIGO | 02/08/2021

O grupo parlamentario do PPdeG admitiu este luns que hai un "evidente problema de persoal" na Atención Primaria de Galicia, que atribuíu á ausencia de médicos "no mercado" para contratar, á vez que reclamou ao Goberno central, encargado de "regular" a oferta deste emprego, que "autorice" máis OPE e a convocatoria de prazas de MIR.

Así o trasladou en rolda de prensa o viceportavoz do grupo e secretario xeral do PPdeG, Miguel Tellado, a preguntas dos medios sobre a denuncia do Colexio de Médicos de Pontevedra pola sobrecarga de traballo dos profesionais de Primaria. "Esta problemática é mesmo anterior á pandemia (...), a Xunta non conta con efectivos suficientes para contratar porque non hai médicos para contratar e reforzar a Primaria", sinalou, á vez que subliñou que o goberno galego está disposto a facer "todos os esforzos" , pero "sería necesaria a colaboración do Goberno de España autorizando OPEs que permitan contratar máis médicos".

"É evidente que hai un problema de persoal na Atención Primaria. Xa o había antes da pandemia e hoxe segue existindo", admitiu Tellado, que insistiu en que "para resolver o problema é fundamental que se implique o Goberno, a través do Ministerio de Sanidade e do Ministerio de Administracións Públicas" para que "permitan contratar máis médicos".

Segundo reiterou, a Xunta non pode contratar máis médicos, en primeiro lugar, "porque non hai no mercado laboral", e é "imprescindible actuar desde o lado da oferta", que é regulada pola administración central. "Ten que haber convocatorias MIR que permitan a todas as sanidades públicas do país contratar na cantidade suficiente para resolver ese déficit que existe, e non o imos a negar, na Atención Primaria", resolveu.

En todo caso, o viceportavoz do PPdeG chamou a "recoñecer a realidade" da sanidade pública galega, "a mellor" e a que ten "máis recursos que nunca", e lembrou que o sistema demostrou, durante a pandemia de Covid-19, que está preparado e "á altura". Así mesmo, agradeceu a todos os profesionais do Sergas, entre eles os de Atención Primaria, a súa colaboración para afrontar esta crise sanitaria, á vez que engadiu que, no entanto, "pódese mellorar".

¿Gustouche esta nova?
Colabora para que sexan moitas mais enviando un SMS coa palabra GC ao 25511



Comenta

Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións). Agradecemos a túa colaboración.

¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe






¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe


Comentarios

1 comentario
1

xivi

Máis ben non os hai polas condicións precarias de contatación da Xunta. Están noutras CCAA e noutros países


Consulta nun centro de atención primaria do Sergas / Xunta de Galicia.

Esta sección conta coa financiación da Deputación de Lugo, do Fondo Europeo de Desenvolvemento Rexional e do Ministerio de Industria, Enerxía e Turismo.