Por Europa Press / Redacción | SANTIAGO DE COMPOSTELA | 03/08/2021
O alcalde de Santiago, Xosé Sánchez Bugallo, apuntou que a cidade mostra unha "certa estabilización" dos contaxios de coronavirus "con tendencia á baixa, moi moderada".
Tras reunirse coa nova directiva da asociación Hostalaría Compostela, o rexedor trasladou a súa preocupación pola situación, nun escenario de "case 600 casos activos", o que coloca á capital galega "nun nivel moi alto".
Sánchez Bugallo ofreceu á nova directiva "toda a colaboración" xa que a hostalaría é "un servizo esencial", antes de advertir unha "certa recuperación" do turismo. Convencido que ao longo do outono o sector "irase recuperando", apuntou á primavera que vén para augurar unha recuperación "aínda máis notable".
Pola súa banda, o novo responsable de Hostalaría Compostela, Thor Rodríguez, coincidiu na preocupación polos efectos da pandemia sobre o sector.
Así, sinalou que "empeza a haber algunhas cancelacións en hoteis e sobre todo en restaurantes", tendo en conta que a clientela "non acaba de entender moi ben como é a normativa do pasaporte covid ou da PCR, ou proba de farmacia", ao que achaca "algúns problemas e algunhas baixas en restaurantes e hoteis".
Sobre o lecer nocturno, lembrou que é un ámbito disposto "a negociar e a acatar estas normas sanitarias que permitan que os seus espazos sexan seguros".
¿Gustouche esta nova?
Colabora para que sexan moitas mais enviando un SMS coa palabra GC ao 25511
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións). Agradecemos a túa colaboración.
Hostalaría Compostela reúnese co alcalde de Santiago. HOSTALARÍA COMPOSTELA / Europa Press