As Tanxugueiras están na final do Benidorm Fest e están por méritos propios e por méritos do público tan diverso que hai nun Estado plurinacional que soubo apreciar o que non apreciou un xurado que as quería deixar fóra da final.

Foi ese público, o público de toda España o que coreou ao final dunha actuación maxistral "TAN-XU-GUEI- RAS" ao unísono mentres apupaba a decisión inicial do xurado de querer deixalas fóra.

Unha posta en escena brutal, cunha música e unhas voces que fixeron vibrar o Benidorm Fest, e unha muiñeira adaptada aos tempos e a este tipo de festivais, as galegas entraron pola porta grande na final.

Salvador Sobral, o portugués gañador de Eurovisión foi contundente: "Eu vou coas galegas!".