Petición de firmas para mostrar o apoio a Tanxugueiras e en contra da decisión do xurado

Unha campaña en Change.org busca impulsar o voto en favor delas e amosar que "son as nosas gañadoras".

Por Galicia Confidencial | SANTIAGO DE COMPOSTELA | 27/01/2022

As críticas ao xurado do Benidorm Fest que quixo deixar fóra da final a Tanxugueiras para representar o Estado español en Eurovisión non deixan de multiplicarse. De feito, a palabra "tongo" leva todo este xoves como trending topic en Twitter.

A comunidade eurofan que apoia a Aida Tarrío, Sabela e Olaia Maneiro consideran que a decisión tomada polo xurado, moi afastada do amplo apoio que as galegas recibiron a través do voto popular e do panel demoscópico, está empañada por certos favoritismos ou amaños. 

Por iso, a raíz desta polémica, veñen de crear unha campaña en Change.org como mostra de apoio a Tanxugueiras e co obxectivo de impulsar o voto en favor delas. "Visto que o xurado do Benidorm fest non quere que nos represente a mellor opción por estar interpretada en galego, imos amosarlles que somos moi fortes, e que as Tanxugueiras son as nosas gañadoras", explican na páxina da campaña. Polo de agora, a petición vai camiño de conseguir as 2.500 firmas. 

Tanxugueiras actuaron na primeira semifinal do Benidorm Fest na noite deste mércores e acadaron o segundo posto, só superadas pola proposta de Chanel. Así, o próximo sábado competirán na final do festival para tentar chegar a Eurovisión, que terá lugar no mes de marzo en Turín. 

¿Gustouche esta nova?
Colabora para que sexan moitas mais enviando un SMS coa palabra GC ao 25511



Comenta

Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións). Agradecemos a túa colaboración.

¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe






¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe


Comentarios

1 comentario
1

Santi

Non pode ser que 5 votos valan máis que toda a xente que votou polas Tanxugueiras, gañou unha concursante que solo fala de mover o cu e falar cartos, quitándolle importancia a letra das Tanxugueiras que representan a todas as mulleres loitadoras e raíces de Galicia, representando non solo o galego. Vergoña.


Tanxugueiras no Benidorm Fest. RTVE

Esta sección conta coa financiación da Deputación de Lugo, do Fondo Europeo de Desenvolvemento Rexional e do Ministerio de Industria, Enerxía e Turismo.