Os pacientes hospitalizados pola Covid-19 aumentan a 932, que supoñen 77 máis que os rexistrados ata o sábado --o domingo a Xunta non actualiza datos--, que implican 136 ingresados máis que hai unha semana, deles 34 en UCI. Pola súa banda, os casos activos descenden a 15.211 tras detectarse o fin de semana pasado outros 1.347 contaxios; mentres que a taxa de positividade sobe a un 53 por cento no conxunto de Galicia.

Segundo os datos actualizados este luns pola Consellería de Sanidade, con rexistros ata as 18,00 horas do domingo, recollidos por Europa Press, os pacientes hospitalizados pola Covid en UCI aumentan a 34 --catro máis que os do sábado-- e os ingresados noutras unidades convencionais increméntanse a 898 --implican 73 máis--, mentres que 14.279 permanecen en seguimento no seu domicilio. Hai unha semana, o luns 4 de xullo, había 796 hospitalizados --136 menos que na actualidade--, deles 25 en críticos.

Por áreas sanitarias, a presión hospitalaria aumenta en seis das sete e unicamente se alivia na de Vigo, na que seguen cinco pacientes Covid en UCI --sen cambios-- e descenden a 120 os ingresados noutras unidades --catro menos--. Mentres, na da Coruña e Cee aumentan a oito os ingresados pola UCI pola Covid --un máis-- e a 174 os hospitalizados noutras unidades --23 máis--; e na de Ourense soben a catro o críticos --un máis-- e a 165 os doutras unidades --17 máis--.

No caso da área de Lugo ascenden a oito os ingresados por Covid en UCI --un máis-- e a 115 os hospitalizados noutras unidades --14 máis--; mentres que na de Pontevedra e O Salnés seguen dúas en críticos e increméntanse a 112 os que se atopan noutras unidades --nove máis--. No caso da área de Santiago de Compostela seguen cinco pacientes Covid en UCI e soben a 145 os ingresados noutras unidades --nove máis--; mentres que na de Ferrol ascenden a dúas o críticos --un máis-- e a 67 os hospitalizados en unidades convencionais --cinco máis--.

BAIXAN Os CASOS ACTIVOS

Tras o descenso de casos activos no inicio do fin da semana, baixan a 15.211 no conxunto de Galicia desde entón --o domingo Sanidade non actualiza datos--, ao haber máis altas (3.751) que contaxios (1.347). Hai unha semana, o luns 4 de xullo, había 14.490 infeccións activas.

O descenso é xeneralizado nas sete áreas sanitarias galegas, coa A Coruña e Cee con maior baixada (-503), seguida da de Santiago e Barbanza (-482), Vigo (-416), Ourense (-326), Lugo (-288), Pontevedra e O Salnés (-271) e Ferrol (-116). Deste xeito, a área da Coruña e Cee segue con máis casos activos, con 3.046, seguida da de Santiago e Barbanza, con 2.599; Lugo, con 2.246; Vigo, con 2.231; Ourense, con 2.199; Pontevedra e O Salnés, con 1.555; e á cola mantense a de Ferrol, con 1.310.

CONTAXIOS

Os novos contaxios de Covid-19 rexistrados desde o sábado --o domingono actualízanse datos-- ascenden a 1.347 e esta semana comeza con 541 novos casos abertos nas últimas 24 horas. Co protocolo actual non se contabilizan os autotest positivos e non se fan probas de diagnóstico a poboación en xeral, salvo á vulnerable. O luns 4 de xullo houbo 753 novos casos abertos.

E a taxa de positividade --número de PCR positivas por cada 100 realizadas--, comeza a semana no 53,5 por cento. Por iso, segue por encima do 5% que marca a OMS para dar por controlada a pandemia.

FALECIDOS

As vítimas da pandemia da Covid-19 en Galicia rexistradas na web do Sergas mantéñense en 3.663 ao non notificar este luns a Consellería de Sanidade ningún falecemento desde o sábado.