A Sede Afundación da Coruña acollerá este mércores 25 de novembro a conferencia «Industria 4.0: Que é e como cambiarán as nosas empresas?», unha iniciativa da Asociación de Alumnos da Escuela de Negocios Afundación.
A charla será impartida polo responsable de comunicación e comercial de Elinsa e decano do Colexio de Enxeñeiros Industriais de Galicia, Oriol Sarmiento, e por Alberto Villar, responsable de Edinn Global.
O obxectivo do evento é definir as claves da Industria 4.0, considerada para moitos como a nova revolución industrial, cuxa clave reside nas fábricas intelixentes e unha visión informatizada con todos os procesos interconectados por internet. Así, ademais de coñecer os principais retos da Industria 4.0, achegarase unha visión práctica desde a óptica da optimización dos procesos produtivos e a súa eficiencia. A conferencia, de entrada libre e gratuíta, terá lugar ás 19.30 h. A continuación desenvolverase un espazo de networking.
A inscrición opde facerse en liña.