O primeiro será impartido por Begoña Albizu Soriano enteiramente en inglés mañá venres 16 de xuño de 16.30 a 21.45 h e o sábado 17 de 9.00 a 14.15 h; o segundo correrá a cargo de José Antonio Gil del Campo e desenvolverase mañá venres 16 de xuño de 16.30 a 21.45 h e o sábado 17 entre as 09.00 e as 14.15 h. Máis información e inscricións
aquí.
SEMINARIO EXPORT PRICE CALCULATION
Se o prezo é importante no mercado interno, a súa relevancia é crucial no contexto internacional. Neste seminario abordaranse os elementos que integran o prezo: custo + custo de exportación + marxes de distribución + marxes de contribución. Aprenderase a valorar o impacto destes elementos e dos INCOTERMS nas decisións de prezo, á vez que se practicarán técnicas relacionadas coa manufactura, o mercado obxectivo ou o cálculo inverso.
SEMINARIO FISCALIDADE DOS INVESTIMENTOS E PLANIFICACIÓN FISCAL
Os asistentes coñecerán as ferramentas dispoñibles para realizar unha correcta planificación fiscal e unha planificación operativa. Así, abordarase a problemática relativa á imposición directa ás persoas físicas (IRPF, Patrimonio, Sucesións e Doazóns, Renda de Non Residentes), a fiscalidade dos produtos financeiros e a planificación fiscal patrimonial e empresarial. Deste xeito abordaranse os réximes fiscais especiais e as operacións protexidas, ademais de analizar as operacións corporate máis habituais.