Por Galicia Confidencial | Santiago de COmpostela | 10/11/2017
Os danos da vaga de incendios en outubro en Galicia e Asturias ascenden a 13,1 millóns de euros, segundo estimacións iniciais do Goberno central, que promete unha partida de axudas aos afectados a través de distintos Ministerios.
Dos 13,1 millóns de euros, o Ministerio do Interior calculou que as axudas terán un custo de 1,8 millóns para Galicia (Asturias está pendente de datos); o de Agricultura e Pesca, Alimentación e Medio Ambiente, calcúlase en axudas por un importe de 7,5 millóns. Destes, reparar camiños naturais terá un orzamento de 700.000 euros; os danos nas cuncas do Miño-Sil, Cantábrico e Duero, estímase nuns 2 millóns de euros.
Por parte do Ministerio de Fomento, calcúlase que os danos a infraestruturas ferroviarias e en estradas son duns 3,8 millóns de euros.
En principio, o financiamento destas axudas irán con cargo á dispoñibilidade orzamentaria de cada departamento ministerial.
Este martes, durante a sesión de control ao Goberno no Senado, a ministra de Agricultura e Pesca, Alimentación e Medio Ambiente (MAPAMA), Isabel García Tejerina, adiantou que "nos próximos días" farase declaración de zona afectada gravemente por emerxencia de Protección Civil a Galicia e Asturias para poder establecer un conxunto de medidas extraordinarias.
O ministro portavoz do Goberno de España, Íñigo Méndez de Vigo, engadiu que por acordo do Consello de Ministros a instancias do Ministerio de Agricultura e Pesca, Alimentación e Medio Ambiente aprobouse un procedemento de contratación dun servizo de varios medios aéreos cun contrato estimado en 700.048 euros.
Fontes ministeriais precisaron a Europa Press que este importe é parte da campaña de extinción de verán que a consecuencia das condicións meteorolóxicas este ano prorrogouse un mes máis do habitual, até o 30 de outubro.
¿Gustouche esta nova?
Colabora para que sexan moitas mais enviando un SMS coa palabra GC ao 25511
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións). Agradecemos a túa colaboración.
Para cualquiera que sepa de matemáticas, o que tenga una mínima experiencia en valoración de daños, esta cifra le parecerá una auténtica tomadura de pelo. Es como si después de un incendio a un particular le valoran el coche en 10 euros. Más o menos esa es la proporción. El daño es muchísimo mayor.
Bosque totalmente calcinado en Ribarteme (As Neves), tras os devastadores lumes que arrasaron a zona e boa parte de Galicia en pleno outubro de 2017 / Miguel Núñez.