Os xefes de servizo tamén demandan resolver o colapso nas urxencias

Difunden unha carta na que expresan o seu "total apoio" á nota emitida por Semes Galicia, na que se insta aos xerentes dos hospitais e o Sergas a resolver o problema e piden á poboación un "uso racional" destes servizos.

Por Galicia Confidencial | Santiago de Compostela | 09/01/2018

Os xefes de servizo de Urxencias dos hospitais de Galicia saíron tamén ao paso do colapso e manifestaron o seu "total apoio" á nota emitida por Semes Galicia do pasado día 4 de xaneiro na que se instaba aos hospitais a resolver o problema urxencias e se pedía á poboación un "uso racional" deste servizo.

Agora, os xefes de servizo consideran "necesario incidir" nos puntos expostos por Semes Galicia para resolver este colapso. Así, en primeiro lugar piden á poboación un "uso racional dos servizos de Urxencias" e din confiar "plenamente na profesionalidade e capacidade resolutiva" dos profesionais de Atención Primaria, o primeiro nivel asistencial, para non colapsar as urxencias.

Outro dos puntos que destavan é a necesidade dunha "implicación efectiva das direccións e xerencias nunha drenaxe adecuada dos servizos de Urxencias". Nese sentido, recordan que "os pacientes pendentes de ingreso deben ser enviados ás súas plantas de destino en tempo e forma", e que nestes casos "o proceso de atención urxente está finalizado e a súa estancia no servizo de Urxencias non achega valor fronte á súa estancia en planta".

Por outro lado, tamén esixen a "finalización e firma definitiva do documento de homoxeneización dos servizos de Urxencias por parte do Sergas e os seus máximos responsables de acordo co compromiso adquirido".

Por último, expresan o seu "máis sincero agradecemento" aos profesionais que forman os cadros dos servizos de Urxencias polo seu "traballo, tesón e compromiso", por "dar en todo momento a mellor atención posible aos pacientes", e iso "malia a situación que están a sufrir os servizos nestes momentos".

O documento está asinado por José Manuel Fandiño Orgeira, xefe do servizo de Urxencias do Complexo Hospitalario Universitario A Coruña (CHUAC) en nome dos seus colegas en todos os hospitais públicos de Galicia.

¿Gustouche esta nova?
Colabora para que sexan moitas mais enviando un SMS coa palabra GC ao 25511



Comenta

Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións). Agradecemos a túa colaboración.

¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe






¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe


Comentarios

1 comentario
1

Dr Bacterio

As plantas de Medicina Interna son as que colapsan as Urxencias. Cada vez médicos peor formados que so saben demandar probas diagnósticas, repetitivas e inncesarias. Cada vez hai menos sesións clínicas, se informa ós familiares nos corredores sin intimidade ningunha e moitas veces nin se le a historia dos doentes


Pacientes ciscados nos corredores de Urxencias do Complexo Hospitalario Universitario de Santiago (CHUS), ante o colapso sanitario / Asociación de Usuarios do CHUS.

Esta sección conta coa financiación da Deputación de Lugo, do Fondo Europeo de Desenvolvemento Rexional e do Ministerio de Industria, Enerxía e Turismo.