«Neuroinfluencia: como liderar e influír co cerebro en mente». É a master class que ofrecerá o experto Leandro Fernández Macho no Campus de Vigo de IESIDE este xoves 18 de xaneiro.
Nesta sesión, Fernández Macho presentará o neuroliderado, unha perspectiva revolucionaria en canto á conceptualización do liderado e dos factores máis importantes para o seu exercicio eficaz. Así, ofrecerá aos asistentes claves sobre como adestrar as súas facetas cognitivas, condutuais e emocionais, conseguindo así unha mellora na xestión dos equipos.
Esta master class é parte da programación do Executive MBA de IESIDE, cuxo obxectivo é o de proporcionar aos seus estudantes as competencias para mellorar o seu liderado e poder xestionar equipos dun modo eficiente e satisfactorio.
O relator, Leandro Fernández Macho, é licenciado en Administración e Dirección de Empresas pola Wolwerhampton University, e posúe un máster en Dirección de Recursos Humanos, ICADE, pola Universidade Pontificia de Comillas. Actualmente dirixe a consultora On The Top, especializada en xestión de persoas e liderado e durante a súa carreira traballou en organizacións como Endesa, Iberdrola, Grupo Inditex ou Coca Cola.