O biotecnolóxico séguese confirmando como un dos sectores crave para a economía galega. Así se puxo de manifesto na clausura segunda edición de AgroBiotech, unha aceleradora de empresas innovadoras impulsada pola Axencia Galega de Innovación (GAIN) e que ofreceu formación especializada e mentorización aos proxectos participantes.

 

AgroBiotech é un programa de aceleración dirixido ao impulso e mellora da competitividade das pemes innovadoras galegas en tres sectores estratéxicos: biotecnoloxía, agroalimentación e biomasa. Patricia Argerey, directora de GAIN, destacou que o biotech é un sector estratéxico para Galicia.

 

De feito, resaltou que a Estratexia de Biotecnoloxía de Galicia, posta en marcha en 2016, “está consensuada co tecido empresarial, as universidades, centros tecnolóxicos e demais axentes do sector galego” e persegue “maximizar o potencial do tecido empresarial bio, impulsar o seu posicionamento como referente a nivel europeo e apoiar a súa capacidade para exercer un papel tractor sobre os sectores tradicionais. “O resultado é que Galicia é actualmente a terceira comunidade onde máis creceu o sector, o dobre que a media nacional, e a quinta con máis empresas neste ámbito”, indicou tal e como recolle innovaspain.

 

AUMENTAR O ESPAZO INNOVADOR

 

O  obxectivo de Agrobiotech pasa por adaptarse ás necesidades de cada empresa e así aumentar o seu potencial innovador, favorecer o desenvolvemento de novos produtos e servizos innovadores, establecer relacións con novos socios e facilitar a transferencia de coñecemento e o intercambio de información,.

 

Segundo o GAIN, as dúas primeiras convocatorias desta aceleradora contaron xa con 21 empresas e, na segunda edición do programa acaba de terminar, as empresas xa situaron 4 novos produtos no mercado, abriron 11 novas canles de venda e feito máis de 200 novos contactos e clientes.  Tamén destaca que se crearon 70 empregos, a colocación no mercado europeo de 60 novos produtos e un incremento medio na facturación das empresas participantes dun 4%.