A  Central de Coordinación recibiu entre as 15,00 horas do venres 23 de marzo e as 23,59 horas do domingo un total de 69 chamadas en relación con accidentes de tráfico. Os recursos sanitarios mobilizados polo 061 situáronse en 80. Deste xeito, as ambulancias realizaron 72 asistencias; o helicóptero medicalizado realizou unha atención e os médicos de Atención Primaria prestaron asistencia en sete accidentes.

En 80 casos os feridos foron trasladados aos centros sanitarios correspondentes e en catro ocasións recibiron atención no propio lugar do sinistro. A proporción de homes atendida situouse no 49 por cento e a de mulleres ascendeu ao 51%. En canto ás idades dos feridos, o 33 por cento dos asistidos tiña entre os 25 e 39 anos. Pontevedra, con 25 accidentes, foi a provincia que rexistrou máis sinistros durante os desprazamentos da fin de semana; seguida da Coruña, con 17; Lugo, con dez; e Ourense, con nove.