Tirar de ADN galego tamén ten premio

A start-up Terra de Preguntas logra dous premios de ouro en Alimentaria; os máximo galardón nas categorías Best Branding Packaging e Best Branding Corporate Identity.

Por GC Emprende | A Coruña | 19/04/2018

Un deseño innovador e mensaxes en forma de preguntas tan retranqueiras como o ADN galego conquistaron ao xurado dos Best Awards, os únicos premios de creatividade en mercadotecnia dedicados ao sector da alimentación organizados en colaboración con Alimentaria, a feira máis importante do sector en Europa que se clausura este xoves en Barcelona.
 
Así, a start-up Terra de Preguntas obtivo a máxima distinción en dúas modalidades: Ouro en Best Branding Corporate Identity e Ouro en Best Branding Packaging, polo deseño da identidade corporativa da marca e do envase dos seus produtos, un traballo realizado pola axencia de publicidade Bap&Conde.
 
O xurado, formado por profesionais do deseño e representantes de grandes firmas de alimentación, valorou a imaxe innovadora de Terra de Preguntas, creada fai menos dun ano por un grupo de produtores e coproductores galegos que apostan por manter vivo o campo galego e os seus produtos combinando a alta calidade cun sabor superior.
 
RETRANCA
 
A estratexia de marca deseñada polos creativos de Bap&Conde nace baixo a idea de gozar de Galicia, mesmo antes de probar o produto. Este obxectivo materializouse nunha forma de comunicarse diferencial, que vira ao redor das preguntas: O marisco traíalo ti? A teoría da relatividade era galega? Onde manda o lacón non manda mariñeiro? Todo bo chourizo debería estar entre reixas? . Estas preguntas son a carta de presentación de embutidos, conservas, queixos, marmeladas, licores, viños e mel.
 
Terra de Preguntas é unha iniciativa cento por cento galega que aposta por dar valor e visibilidade a uns produtos gastronómicos froito do saber facer de pequenas e medianas explotacións que comparten o ADN galego.
 

¿Gustouche esta nova?
Colabora para que sexan moitas mais enviando un SMS coa palabra GC ao 25511



Comenta

Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións). Agradecemos a túa colaboración.

¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe






¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe



Mercadotecnia de Terra de Preguntas para uns chourizos galegos

Esta sección conta coa financiación da Deputación de Lugo, do Fondo Europeo de Desenvolvemento Rexional e do Ministerio de Industria, Enerxía e Turismo.