Por E.P. | SANTIAGO DE COMPOSTELA | 19/05/2018
O incendio que se iniciou na tarde deste sábado na localidade pontevedresa da Estrada atópase controlado, tras afectar a 75 hectáreas, segundo informou a Consellería do Medio Rural.
O lume iniciouse ao redor das 16,37 horas na parroquia de Sabucedo e, segundo as últimas informacións de Medio Rural, quedaría controlado de madrugada, ás 1,50 horas. Na última estimación ofrecida, a superficie afectada ascendía a 75 hectáreas, das que 74 son de monte raso e unha de arboreda.
INCENDIO EN SANTIAGO
Pola súa banda, o lume rexistrado ás 16,43 horas deste sábado na parroquia de Sampaio, en Santiago de Compostela, foi estabilizado ás 19,52 horas e afecta a unhas 10 hectáreas de superficie. As mesmas fontes precisaron que as chamas comezaron sobre as 16,43 horas e que se rexistraron varios focos. Nos labores de extinción participan tres axentes, tres brigadas, tres motobombas, unha pa e catro helicópteros.
¿Gustouche esta nova?
Colabora para que sexan moitas mais enviando un SMS coa palabra GC ao 25511
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións). Agradecemos a túa colaboración.
Incendio rexistrado na parroquia de Sampaio, en Santiago / Europa Press