O presidente da Xunta, Alberto Núñez Feijóo, anunciou a posta en marcha dun plan estratéxico 2021-2027, que fixe as "novas metas para a Galicia que vén".

Así o avanzou durante a súa intervención no Debate de Estado da Autonomía que este martes arrinca na Cámara galega e no que pediu a "implicación" dos grupos na súa elaboración.

Tras destacar os datos de crecemento de Galicia, Feijóo destacou que a comunidade pode "planificar o futuro" tendo en conta que "o seu presente está ordenado", unha situación que contrapuxo coa do conxunto do Estado.