O presidente portugués dá exemplo ao seu pobo arrincando eucaliptos para plantar carballos

O Presidente da República de Portugal non tivo problemas en poñer luvas e arrincar eucaliptos xunto co ministro da Planificación e das Infraestruturas, pedro Marques, e un alcalde.

Por Galicia Confidencial | Lisboa | 17/10/2018

O presidente da República de Portugal, Marcelo Rebelo de Sousa, tivo un xesto que está dando a volta ao mundo. Durante unha acción de limpeza e de plantación de especies autóctonas no monte da nosa Señora do Castelo, en Vouzela, o político lugo non tivo problema en poñer unhas luvas e axudar a arrincar eucaliptos para plantar carballos. Un xesto que en Galicia sería moi difícil de imaxinar por parte do actual presidente da Xunta. 
 
"Estamos nesta acción de hoxe precisamente porque estamos preocupados. A natureza fixo irromper outra vez eucaliptos por todas  partes, quere aquí, quere na área afectada en xuño", dixo aos xornalistas. A pesar de estaren de traxe, Marcelo Rebelo de Sousa, o ministro da Planificación e das Infraestruturas, Pedro Marques, e o alcalde de Vouzela, Rui Ladeira, calzaron as luvas e comezaron a arrincar eucaliptos.
 
"Ministro, probe mellor a ver se arrinca á dereita ou á esquerda", dixo Marcelo Rebelo de Sousa a Pedro Marques, obtendo a resposta: "dáme sempre máis xeito á esquerda". O Presidente da República foi subindo o monte e arrincando enerxicamente os eucaliptos, até que chanceou "a miña dereita está máis forte do que a miña esquerda".
 
Rui Ladeira, que é enxeñeiro forestal, considerou que accións como como estas son fundamentais. "Estarmos aquí a arrincar os eucaliptos e, á súa vez, substituír e colocar especies autóctonas, como carballo, sobreira e castañeiro. É un sinal daquio que debe ser o camiño que debemos facer para o futuro?, defendeu.
 
Podes ver o vídeo aquí.

¿Gustouche esta nova?
Colabora para que sexan moitas mais enviando un SMS coa palabra GC ao 25511



Comenta

Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións). Agradecemos a túa colaboración.

¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe






¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe


Comentarios

7 comentarios
  • Páxinas
  • 1
  • 2
  • 6

    eusi

    Feijojojo tamén foi apagar o lume nunha carballeira cos seus zapatitos náuticos e chaquetita de mariño-botons dourados. Moito mellor có portugués, onde vai parar!


    5

    Xose

    Non estaba vestido moi pola labor, co traxe e garavata. Sempre se aproveitan para facer a foto coma o 'noso' mangueritas. A ver para cando saen co mono de traballo e as luvas. Valorable o xesto do presi, eso sí.


    4

    ddt

    Fai ben arrancalos, os que non produzan eles, producirémolos nosoutros..


    3

    outromais

    Este é un xefre de estado e non o outro ao que un rapaz lle da unha vasoira e fuxe dela coma do lume


    2

    Toño

    Galicia é un eucaliptal para maior gloria das papeleiras. A política forestal da Xunta vai contra de toda lóxica e a favor dos especuladores da paisaxe.

    1 resposta
    1

    Por Ricardo: E os galegos queren duas concas do mesmo eucaliptador, o padriño e ence, audasa e dos narcos...


  • Páxinas
  • 1
  • 2
  • O presidente da República de Portugal, Marcelo Rebelo de Sousa, arrincando eucaliptos / RTP

    Esta sección conta coa financiación da Deputación de Lugo, do Fondo Europeo de Desenvolvemento Rexional e do Ministerio de Industria, Enerxía e Turismo.