Por Europa Press / Redacción | A CORUÑA | 19/04/2019
Os candidatos ao Congreso e ao Senado por En Común-Unidas Podemos Antón Gómez-Reino e Carmen Armada, presentaron este venres xunto con representantes de Libera a súa proposta electoral para traballar pola abolición das corridas de touros en España.
A cabeza de lista ao Congreso pola Coruña destacou que "o 99,7% dos galegos non están interesados nas corridas de touros", un "clamor" que "foi recollido en cidades como A Coruña, onde deixaron de recibir financiamento público".
Ademais, explicou, outro dos indicativos deste "clamor" é que "se están recollendo centos de firmas contra os malos tratos animais". "Estamos a ser pioneiros en Galicia, onde queda claro que non hai espazo para este tipo de actividades", dixo Gómez-Reino.
Pola súa banda, a candidata ao Senado, Carmen Armada, garantiu o "forte compromiso" da súa formación "coas políticas de benestar animal". "Unha sociedade que non coida os seus animais é unha sociedade medieval que non queremos", dixo Armada, que pediu un Parlamento "cheo de deputadas e deputados feministas e animalistas".
¿Gustouche esta nova?
Colabora para que sexan moitas mais enviando un SMS coa palabra GC ao 25511
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións). Agradecemos a túa colaboración.
Sodes galegos? Pois sacárades ise lixo da nosa nación cando poidestes (sempre a tentar arranxar esa Españistán á que tanto amades...). Menos chótis e máis traballar para Galiza, vividores: poidestes facer país e só fixestes de comparsas de D. Pablo. Adeus, desta voto BNG aínda que calen coas touradas de Pontevedra (polo menos no resto son patriotas galegos!).
estas son as políticas que apañan votos para seguir sentados no sillón mentras á xente que a parta un raio! Cicais estes foron os motivos que levaron a Alexandra a renunciar ás políticas de salón... o non priorizar o que verdadeiramente importa! http://parte.gal/2019/02/18/o-treme... Animalitos!
Por lóstrego: Animais somos todos, algúns máis racionais que outros! (xa non pincho nos teus enlaces, non me leven a ningunha parte).
As corridas da Peregrina, en Pontevedra, de momento son intocables. O concello non está pola labor. Noutra instancia,, o parlamentiño, xa sabedes quen manexa o rodillo. En canto ao estado, imposible que haxa unha maioría en contra, con medio psoe a favor.
Corrida de touros. / EP.
