Lanzan unha aplicación para emprendedores e empresas enmarcados na economía verde

Os usuarios, a través deste proxecto impulsado por Low Carbon Innovation, poderán acceder de forma sinxela a contidos divulgativos e realizar un seguimento da evolución do seu consumo de enerxía e auga.

Por GC Emprende | Santiago de Compostela | 09/07/2019

O proxecto Low Carbon Innovation presentará a súa aplicación para dispositivos móbiles a través dun evento de formación en liña que terá lugar o vindeiro xoves, 11 de xullo, ás 11:30 horas. Todos os interesados poderán conectarse á sesión a través deste enlace.
 
Esta app móbil complementa o servizo que a plataforma en liña ofrece a emprendedores e empresas que aposten pola economía circular, verde ou baixa en carbono. Ambas ferramentas ofrecen, de forma sinxela e intuitiva, unha serie de recursos e contidos en materia de eco-innovación, como casos de éxito, normativa ou transferencia tecnolóxica, que poderán ser complementados con píldoras formativas.
 
Unha das súas funcións máis destacadas é a consulta dun conxunto de indicadores de sustentabilidade, como a pegada hídrica ou a de carbono, o que permite aos usuarios un seguimento continuo da súa evolución, así como a realización de autodiagnósticos sobre o seu consumo de enerxía e auga. De forma adicional, os usuarios teñen acceso a unha plataforma de networking, onde teñen a oportunidade de intercambiar experiencias con outras empresas.
 
Todos os emprendedores e empresas enfocadas cara un desenvolvemento sustentable poden apuntarse na plataforma en liña a través deste formulario. O rexistro é totalmente gratuíto e permitirá o acceso a todos os seus servizos, así como á sesión de presentación da aplicación móbil.
 
A Rede Transrexional Low Carbon Innovation, financiada polo Programa Interreg V-A España-Portugal (POCTEP), ofrece máis información sobre o proceso de rexistro e manexo a través dun video explicativo dispoñible na web da súa plataforma e na súa canle de Youtube.

¿Gustouche esta nova?
Colabora para que sexan moitas mais enviando un SMS coa palabra GC ao 25511



Comenta

Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións). Agradecemos a túa colaboración.

¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe






¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe



Economía verde / GuíaONGs

Esta sección conta coa financiación da Deputación de Lugo, do Fondo Europeo de Desenvolvemento Rexional e do Ministerio de Industria, Enerxía e Turismo.