Cervexa artesán: Un sector en movemento

Cada vez son máis os emprendedores e emprendedoras, que apostan por un sector tan tradicional, e a vez tan innovador como é o da cervexa artesán, que a modo de colmea activa, están espallados por diferentes puntos da xeografía galega.

Por Manuel Rivero Pérez | A Coruña | 17/11/2015

Este movemento empezou fai quince anos aproximadamente en Estados Unidos, chegou a Europa fai dez anos, principalmente a Alemaña e Bélxica, é en Galicia con algo máis de retraso, dende hai tres anos, xa ten a súa notoriedade.
 
 Neste momento o sector está en plena efervescencia, con marcas consolidadas, que día a día van gañando espazo nun mercado competitivo e atomizado, no que se bota de menos unha visión de conxunto. Fáltalle por en práctica as fortalezas da asociación, tanto para mercar as materias primas, como na comercialización e na distribución, que lles permita abaratar costos e crear sinerxías, en realidade os nosos artesáns, son aliados e non competidores, dado que cada un ten un produto diferente, que se complementa e se diferenza  o mesmo tempo cos do resto do sector. 
 
Esa actividade produtiva e creadora, ten neste momento no mercado, un produto amplo e variado, tanto  en cantidade como en calidade, con múltiples sabores, texturas, colores e sensacións, e cunha relación valor - prezo moi equilibrada.
 
Esta forma de desandar o tempo, que iniciaron os novos artesáns cervexeiros, na procura das receitas de elaboración das antigas cervexas, tal como se facían en mosteiros, e nas casas particulares, de forma totalmente artesán, permítelle recuperar  ese coñecemento, e a través del, poder  innovar nun campo tan variado como é o da cervexa.
 
Para conseguir unha cervexa redonda, equilibrada, fresca e afroitada, como é a Curuxa de Galician Brew, fai falta moita paixón, moito entusiasmo e moita fortaleza, dedicación, formación e esforzo, e ademais, moita proba – error, ate dar con ese equilibrio perfecto, tal como nos relata a mestre cervexeira Isabel Viéitez, que fixo desta profesión  o seu modo de vida. Na súa microfábrica de Padróns en Ponteareas, elabora dúas cervexas de gran calidade: a Curuxa, que recorda a aquelas cervexas dos anos sesenta, fresca, redonda e afroitada de baixa fermentación e a Sabela, de alta fermentación, feita con maltas caramelizadas, que lle dan un lixeiro amargor, entre suave e aterciopelado, e con máis graduación. 
 
A clave dunha cervexa artesán de alto nivel, está na utilización de produtos naturais: lúpulo, malta e auga de alta calidade, así como, saber respectar o proceso natural de fermentación e de maduración, sen engadir  aditivos nin conservantes.
 
De forma sutil e calada, estase creando un novo escenario de vivir e gozar dun mundo tan plural como é o da cervexa, ela está presente en cervexarías de diferente estilo e tamaño, bares e restaurantes, en feiras, mercados e tendas especializadas, conquistando a un público cada día máis formado, entendido e esixente, que non confunde prezo con valor, que sabe o que quere e que xa sabe onde encontralo.
 
A nosa cervexa artesán espéralle un recorrido, como o que fixo o mundo do viño anos atrás, pasando dos xenéricos as denominacións de orixe, o coidado de toda a cadea de valor, dende a produción da uva, a vendima, a elaboración dos caldos, os períodos de fermentación, envasado e distribución. Grazas a ese cambio de orientación podemos presumir dos nosos Ribeiros, Albariños, Ribeiras Sacras, Monterrei, Valdeorras ou do Bierzo.
 
Este sector está chamado a dinamizar a nosa economía, a pequena escala, tanto en empregos directos como en indirectos. O lúpulo e a cebada, os seus ingredientes básicos, ben se poden producir en Galicia, a auga témola de excelente calidade, así que precisan facerse máis visibles, ensinar a cultura da cervexa, estar presentes en máis puntos de ventas e abrirse o mercado exterior. Agrada ver un sector no que o traballo, a entrega, o entusiasmo  e a dedicación, son os seus sinos de identidade. Eles son modelos de emprendemento.

¿Gustouche esta nova?
Colabora para que sexan moitas mais enviando un SMS coa palabra GC ao 25511



Comenta

Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións). Agradecemos a túa colaboración.

¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe






¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe



Esta sección conta coa financiación da Deputación de Lugo, do Fondo Europeo de Desenvolvemento Rexional e do Ministerio de Industria, Enerxía e Turismo.