O cooperativismo avanza en Galicia

Premios para Dalle que Dalle, de Vilagarcía de Arousa; a Cooperativa Galega de Educación Medioambiental (CEM), de Culleredo, e Terras da Mariña, de Lourenzá. No primeiro semestre deste ano as cooperativas creceron un 3,2% con respecto ao mesmo período do ano anterior.

Por GC Emprende | Santiago de Compostela | 04/07/2017

Con motivo do Día do Cooperativismo, a Xunta, en colaboración co Consello Galego de Cooperativismo, entregou o pasado sábado os Premios á Cooperación 2017 e aos mellores Proxectos Empresariais Cooperativos dos centros de FP. As tres cooperativas premiadas nesta edición foron Dalle que Dalle, de Vilagarcía de Arousa, que recibiu o galardón aos valores cooperativos; a Cooperativa Galega de Educación Medioambiental (CEM), de Culleredo, foi premiada á mellor traxectoria; e Terras da Mariña, de Lourenzá, á mellor cooperativa nova.  
 

Galicia conta no primeiro semestre deste ano con 1.325 cooperativas activas, o que supón un 3,2% máis que no mesmo período do pasado ano. Do total, 510 cooperativas corresponden á provincia da Coruña (38,4%); 383 á de Pontevedra (28,9%); 243 á de Lugo (18,3%); e 189 (14,2%) á de Ourense. Nos seis primeiros meses do ano constituíronse 24 novas cooperativas na Comunidade: 13 na provincia de Pontevedra; 4 na de Coruña; 4 na de Lugo; e 3 na de Ourense. 

Con respecto aos premios aos proxectos empresariais cooperativos dos centros de FP, galardóns que forman parte do certame Cooperativismo no ensino, a Xunta concedeu un accésit compartido á iniciativa Identik3D, do EIS Imaxe e Son, da Coruña e a Piscinatura, do CIFP Someso, da Coruña. O premio ao mellor proxecto empresarial cooperativo foi para Eficonter, do CIFP Someso da Coruña. 
 
 
Os premiados 
Cada cooperativa galardoada nos Premios á Cooperación 2017 recibiu 5.000 euros. Dalle que Dalle, galardoada polos valores cooperativas, está dedicada a xestionar un espazo coworking e a asesorar a emprendedores. É unha cooperativa de traballo asociado que destaca polo papel que xoga na difusión dos principios cooperativos e polo seu papel impulsor da economía e consolidación do tecido social a través de redes de cooperación entre emprendedores, empresas e entidades.  
 
A Cooperativa Galega de Educación Medioambiental (CEM), de Culleredo, que recibiu o premio pola súa traxectoria, está centrada na protección da contorna e do medio ambiente. Por último, a mellor cooperativa nova, a Terras da Mariña, está adicada ao cultivo da faba de Lourenzá. Resalta pola súa relevancia na contorna na que desenvolve a súa actividade e a súa repercusión positiva no eido económico, social e cultural ao recuperar e potenciar unha actividade tradicional mellorando as condicións de produción e comercialización. 
 
En canto aos mellores proxectos empresariais cooperativos dos centros de FP, a iniciativa Identik3D, do EIS Imaxe e Son, da Coruña, está centrada no modelado de 3D e o plan Piscinatura, do CIFP Someso, da Coruña, está baseado no deseño e construción sostibles. O premio ao mellor proxecto empresarial cooperativo foi para Eficonter, do CIFP Someso da Coruña, dirixido ao eido da reciclaxe para mellorar, axilizar e transformar a construción convencional en algo máis eficiente. 
 

 

¿Gustouche esta nova?
Colabora para que sexan moitas mais enviando un SMS coa palabra GC ao 25511



Comenta

Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións). Agradecemos a túa colaboración.

¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe






¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe



Conde canda os cooperativas premiados

Esta sección conta coa financiación da Deputación de Lugo, do Fondo Europeo de Desenvolvemento Rexional e do Ministerio de Industria, Enerxía e Turismo.