Investigan fraude de subvencións no Centro Tecnolóxico da Carne

O mal uso nas subvencións que manexa o Centro Tecnolóxico da Carne parece ser o motivo polo que a Policía rexistrou este ente público o venres en Ourense. A denuncia xa tería chegado a Bruxelas. O CETECA arrastra tamén varios conflitos laborais, incluída una denuncia na Xunta por irregularidades nas contratacións.

Por Galicia Confidencial | Ourense | 22/07/2017

O fraude nas subvencións que manexa o Centro Tecnolóxico da Carne parece ser o motivo polo que a Policía rexistrou este ente público o venres en Ourense. O CETECA arrastra tamén varios conflitos laborais, incluída una denuncia na Xunta por irregularidades nas contratacións.
 
Fontes da investigación citadas por J. Fraiz en Faro especifican que a Policía Nacional trata de averiguar o “destino irregular de subvencións”. Para logralo, incautaron documentación do departamento do departamento de administración nun rexistro que durou unhas catro horas.
 
En concreto, o xerente Miguel Fernández estaría a ser investigado polos delitos de falisidade documental, prevaricación e malversación; segundo Antonio Rodríguez en La Región
 
Por outra banda, Comisións Obreiras non confirmou o motivo do rexistro, pero si recordou os problemas laborais no CETECA. A central asegura que denunciou á Consellería de Medio Rural a ausencia de técnicos nos tribunais dos procesos selectivos e situacións de acoso a algúns traballadores. De acordo a súa versión, a Xunta pouco ou nada fixo ao respecto.
 
O mal ambiente interno no cadro de persoal podería ser un dos motivos da operación policial. Un anónimo enviou unha denuncia á Físcalía de Ourense hai dous meses, indagacións que culminaron no rexistro de onte no edificio do Parque Tecnolóxico.
 
Foi unha empresa, segundo La Región, quen alertou tanto á fiscalía como a Bruxelas sobre o posíbel mal uso das subvencións. O CETEGA xestionou o ano pasado uns 16 millóns de subvencións, boa parte de fondos comunitarios. 
 
Gobernado por un padroado, o responsable desta fundación pública é o departamento de Medio Rural. Na Xunta fixeron o que fan sempre que sucede algo así, limitarse a comprometer a súa colaboración coa Xustiza e non proporcionar máis información. 
 
Máis datos hainos nos quince arquivadores que xa están na Comisaría de Ourense nunha operación que coordina a Audiencia Nacional. En función do que os investigadores atopen neles, pode haber detencións e rexistros.
 

¿Gustouche esta nova?
Colabora para que sexan moitas mais enviando un SMS coa palabra GC ao 25511



Comenta

Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións). Agradecemos a túa colaboración.

¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe






¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe


Comentarios

1 comentario
1

kiko pepeiro

o pepeiro meteu a vaca podre... despois de meter o leite negro!!!! mira ti as que fai o pepeiro!!!


Rexistro da Policía no Centro Tecnolóxico da Carne /crtvg

Esta sección conta coa financiación da Deputación de Lugo, do Fondo Europeo de Desenvolvemento Rexional e do Ministerio de Industria, Enerxía e Turismo.