A auga, elemento de innovación en Galicia

O Centro de Innovación Galego de Sistemas Avanzados de Tratamento de Auga foi recoñecido polo Ministerio de Economía como Centro de Apoio á Innovación Tecnolóxica.

Por GC Emprende | Compostela | 24/10/2017

A Unidade Mixta CIGAT (Centro de Innovación Galego de Sistemas Avanzados de Tratamento de Auga) acaba de ser recoñecida tras tempo enfocada precisamente ao desenvolvemento e a posta en mercado de tecnoloxías que contribúan á mellora e valorización dos recursos naturais. Este centro, adicado á innovación en materia de auga, foi recoñecido polo Ministerio de Economía e Competitividade do Goberno de España como Centro de Apoio á Innovación Tecnolóxica.
 
Convértese, así, no primeiro Centro de Apoio á Innovación Tecnolóxica a nivel español dos doce existentes dedicado en exclusiva á auga e o medioambiente.  Formada pola empresa Viaqua e o centro tecnolóxico Cetaqua Galicia, e constituída grazas ao apoio da Consellería de Economía, a Unidade Mixta CIGAT  posiciona a Galicia neste ámbito grazas a este recoñecemento.
 
A finalidade esperada dun Centro de Apoio á Innovación Tecnolóxica é a de facilitar a aplicación do coñecemento xerado.  Desde a súa creación no ano 2011 por parte da empresa Viaqua, o Centro Superior de Investigacións Científicas (CSIC) e a Universidade de Santiago de Compostela, Cetaqua Galicia vén desempeñando a función de catalizar a chegada ao mercado deste coñecemento, co-desenvolvendo e validando solucións para a súa comercialización grazas ao potencial de internacionalización do grupo SUEZ. 
 
A presentación desta acreditación tivo lugar este luns no Edificio Emprendia, do Campus Vida de Santiago de Compostela. O acto estivo presidido por D. Francisco Conde, Conselleiro de Economía, Emprego e Industria da Xunta de Galicia, e contou coa participación de D. Alberto Sánchez (Xerente de Cetaqua Galicia), D. Manuel Cermerón (CEO Suez Advanced Solutions España), D. Xullo Masid (Director de Viaqua) e D. Roberto Rodríguez (Director Augas de Galicia).

¿Gustouche esta nova?
Colabora para que sexan moitas mais enviando un SMS coa palabra GC ao 25511



Comenta

Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións). Agradecemos a túa colaboración.

¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe






¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe



Instalacións do Centro de Innovación Galego de Sistemas Avanzados de Tratamento de Auga (CIGAT)

Entrega do recoñecemento aos integrantes de CIGAT, co conselleiro de Economía / CIGAT

Esta sección conta coa financiación da Deputación de Lugo, do Fondo Europeo de Desenvolvemento Rexional e do Ministerio de Industria, Enerxía e Turismo.