Un milleiro de persoas maniféstanse en Santiago pola "xustiza salarial" para policías e gardas civís

A asociación Jusapol inicia con esta unha serie de marchas por cidades galegas.

Por E.P. | SANTIAGO DE COMPOSTELA | 14/02/2018

Ao redor dun milleiro de persoas, entre elas numerosas familias, secundou este mércores a manifestación convocada pola "xustiza salarial" para policías e gardas civís. A marcha, convocada pola asociación Jusapol (Justiza Salarial Policial), saíu ás 17,00 horas da Alameda compostelá e percorreu varias rúas do Ensanche de Santiago, para concluír na praza do Obradoiro.

Cargados de bandeiras de España, pero tamén algunha de Galicia, da Unión Europea e até da Comunidade de Madrid, os manifestantes esixiron "equiparación xa" entre as forzas e corpos de seguridade do Estado (corpo nacional de policía e garda civil) co resto de corpos policiais, ao denunciar que cobran de media uns 600 euros brutos ao mes menos que policía autonómica e algunhas policías locais.

O portavoz do colectivo en Santiago, Pablo Vales, esixiu que as administracións lles "poñan as cousas claras" e deixen "de enganar", debido a que até agora non lles quixeron "recibir" e só se reunen cos sindicatos, "que son os maioritarios que conforman a mesa de negociación".

Até agora, esta asociación, no conxunto estatal, celebrou xa varias manifestacións, entre elas Madrid e Barcelona, e ten por diante un calendario de 52 manifestacións en toda España. En Galicia empeza en Santiago e continuará por Pontevedra, Lugo, A Coruña e Ourense.

"Entre outras cousas, tamén temos diferenzas en canto á paga das horas extraordinarias, á xubilación os nosos veteranos perden ao redor duns 300-400 euros, cousa que non pasa coas policías autonómicas; non nos pagan a asistencia a xuízos, que non deixa de ser unha declaración de fe do noso traballo, e tamén as extraordinarias que non as pagan dobre", agregou este portavoz.

PSOE, CxG, CIUDADANOS E UPyD

Representantes de partidos políticos, entre eles o PSdeG, Compromiso por Galicia, Ciudadanos e UPyD, así como alcaldes da comarca apoiaron a cita.

Tamén a secretaria de xustiza da executiva do PSOE galego, Paloma Castro, acompañada na marcha polos rexedores de Ames e de Oroso, mostrou o apoio do seu partido a estes policías e gardas civís, algo que enmarcou no nivel estatal.

En Galicia, apuntou, os socialistas tamén presentaron iniciativas no Parlamento a favor destas "persoas que garanten" a seguridade, así como en distintos concellos. Sobre as diferenzas salariais, sentenciou que "non se pode consentir" e reclamou un soldo "digno" para eles.

ORZAMENTOS

Os orzamentos xerais do Estado, segundo engadiu, deben "recoller esa equiparación salarial, da forma progresiva que está a pedir a asociación".

Sobre o feito de que o PP condicione a saída adiante das contas á resolución deste problema, dixo que "a dificultade para xestionar de Rajoy non pode agarrarse a que unha partida puntual sexa ou non apoiada polo Partido Socialista". "Non nos pode pasar a nós a pelota", resolveu.

¿Gustouche esta nova?
Colabora para que sexan moitas mais enviando un SMS coa palabra GC ao 25511



Comenta

Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións). Agradecemos a túa colaboración.

¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe






¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe


Comentarios

5 comentarios
4

Tocabolas

Na miña Familia quen se meteron a Policias ou Guardas Civis eran os que suspendían todas en Xuño e Setembro...outros chegamos á Universidade...e agora vai resultar que van estar mellor pagados os fracasados escolares que os que se esforzaron por chegaren a algo.......ver para crer...!!!


3

lindos mininos

Non, non quero deixar un comentario. Simplemente autocensúrome para non ter problemas. Se estivese noutro país faría algún comentario.


2

Dalle que libras

E para o persoal sanitario , de educación, servizos sociais, bombeiros, etc tamén vai haber " xustiza salarial" ou so é para os que REPARTEN PAUS ¡¡¡


1

Rodrigo Hernández Painceira

Haber exigido en su día policía gallega, señores policías.

1 resposta
1

Por Arquetipo: Estos o que queren é soldos e Licenciados Universitarios con nivel de Graduado Escolar...e despois os casos resóve-llos a xente logo de identificar aos delincuentes....como no recente caso do chiclé.....


Manifestación en Santiago pola equiparación salarial entre corpos / Europa Press

Esta sección conta coa financiación da Deputación de Lugo, do Fondo Europeo de Desenvolvemento Rexional e do Ministerio de Industria, Enerxía e Turismo.