Fomentando o emprendurismo e o autoemprego entre os máis novos

A Cámara de Comercio de Santiago inicia unha campaña educativa para que os alumnos se acheguen ao mundo empresarial e consideren o autoemprego como unha “opción laboral viable”.

Por GC Emprende | Compostela | 09/03/2018

A Cámara de Comercio de Santiago de Compostela iniciou unha nova campaña para fomentar o espírito emprendedor entre os estudantes de secundaria, bacharelato e formación profesional dos centros educativos da súa área cameral. Estas xornadas, que comprenden visitas guiadas ao viveiro de empresas de Costa Vella en Santiago, e charlas divulgativas nos centros escolares, permitirán ao alumnado coñecer de primeira man o funcionamento da incubadora empresarial e os servizos de creación de empresas que se prestan aos emprendedores e empresarios da demarcacion cameral. 
 
A técnico de creación de empresas da Cámara, Rosa Cardeso, explica que o obxecto fundamental desta iniciativa “é que os estudantes se acheguen ao mundo empresarial e consideren o autoemprego como unha opción laboral viable”. Ademais, sinala que estas actuacións p”ermiten avanzar no emprego, igualdade, crecemento, competitividade e innovación das empresas do futuro, contribuíndo a enriquecer a cultura emprendedora dos máis novos. Como cume das visitas ao viveiro de empresas, os alumnos asistirán a unha charla sobre a experiencia profesional dalgún emprendedor da incubadora”.
 
A campaña comezará con nove visitas e charlas divulgativas para estudantes de centros de Santiago, Ames e Melide, organizadas en colaboración cao Cámara de Comercio de España e con financiamento do Fondo Social Europeo. 
 
Nos próximos meses, a Cámara ten previsto organizar outras xornadas de fomento do espírito empendedor cooperativo no ámbito educactivo, nesta ocasión organizadas en colaboración coa Rede Eusumo, unha rede de colaboración impulsada pola Xunta de Galicia para o fomento e o desenvolvemento da economía social.
 

¿Gustouche esta nova?
Colabora para que sexan moitas mais enviando un SMS coa palabra GC ao 25511



Comenta

Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións). Agradecemos a túa colaboración.

¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe






¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe



Estudantes de bacharelato

Esta sección conta coa financiación da Deputación de Lugo, do Fondo Europeo de Desenvolvemento Rexional e do Ministerio de Industria, Enerxía e Turismo.