Galicia segue tendo corazón republicano 87 anos depois

Houbo manifestación en Vigo e actos en numerosas localidades. "Cando a esquerda chega a facer un proceso revolucionario, entón hai terror", dixo Xosé Manuel Beiras en alusión ao golpe de estado fascista contra un goberno elixido democráticamente.

Por E.P. | SANTIAGO DE COMPOSTELA | 14/04/2018

Cidades e localidades de Galicia conmemoraron o 87º aniversario da proclamación da Segunda República o 14 de abril de 1931, coa celebración de diversos actos, entre os que destacou a manifestación realizada en Vigo pola Asemblea Republicana da cidade ou a ruta pola Compostela republicana organizada polo concello.

En Vigo, celebrouse unha manifestación que se realiza desde fai quince anos e que partiu do Farol de Urzaiz ás 12,00 horas, para finalizar na Porta do Sol. A marcha contou coa participación do histórico dirixente nacionalista Xosé Manuel Beiras que, na lectura do manifesto final, asegurou que "en canto a esquerda chega a facer un proceso revolucionario, entón hai terror". "Non hai terror, o terror é o que padecemos todos os días", proseguiu.

"Cultivan o medo, queren converternos outra vez en servos, queren abolirnos como cidadáns, e o único que podemos facer é afirmar que somos cidadáns e non servos e nunca imos volver a ser servos, nin os traballadores e traballadoras queremos volver ser escravos como nos están convertendo", engadiu. Beiras tamén proclamou que "sen república non pode haber democracia", "a democracia con monarquía é imposible".

No acto de Vigo tamén participou a coordinadora nacional de Esquerda Unida, Eva Solla, que manifestou que "a República representa un modelo de estado que supón o amparo de todos os dereitos sociais e civís" que hoxe defenden "homes e mulleres de esquerdas", que avogan por un "modelo de estado moderno, feminista, socialista que defenda os dereitos sociais e a repartición da riqueza".

Nesta liña, engadiu que "é necesario construír" unha República que "ampare a paz e a palabra" para resolver conflitos, xusto no día no que Estados Unidos "e os seus adláteres volven bombardear un país soberano", en referencia a Siria.

RUTA POLO SANTIAGO REPUBLICANO

Tamén en Santiago de Compostela, con motivo do 14 de abril, celebrouse este sábado unha ruta polos lugares máis sinalados da cidade republicana. Respecto diso, o alcalde, Martiño Noriega, na súa conta de Twitter afirmou que a "República é máis que un sistema de goberno. É a liberdade, igualdade e fraternidade que unha democracia precisa para ser. Por iso, é memoria e horizonte", engadindo que "cada quen que escolla despois número e apelido".

Esquerda Unida celebrou diversos actos en Galicia, como os desenvolvidos en Ferrol, ante o Baluarte de Canido, ou na Coruña en Punta Herminia. En Narón, o Concello e a Asociación Cultural Memoria Histórica Democrática organizaron ofrendas florais de homenaxe a persoas represaliadas da ditadura, no cemiterio de O Val, en San Mateo e ante o Pazo da Cultura.

ACTO EN LUGO

En Lugo, o Concello celebrou unha ofrenda floral e a lectura dun manifesto na Praza da Soidade, en fronte ao monólito que rende homenaxe á República. A alcaldesa, Lara Méndez, leu o manifesto reivindicativo, enxalzando a "apertura democrática, o compromiso social e a construción dunha España próspera e plural", durante unha República que significa "reivindicar a loita pola democracia, as liberdades, os dereitos económico-sociais e o autogoberno para as nacionalidades e rexións".

A socialista Lara Méndez resaltou que este 14 de abril conmemorouse un feito "que abriu a porta ao mellor patrimonio que ten o país, as persoas obreiras, mulleres, intelectuais, estudantes, en definitiva, toda persoa amante da liberdade".

En Castro Caldelas, 'Somos Ponte Caldelas' realizou unha ofrenda floral e descubriu unha placa no cemiterio municipal en homenaxe e memoria dos represaliados.

VALORACIÓNS POLÍTICAS

Pola súa banda, o portavoz de En Marea, Luís Villares, lembrou os "87 anos da proclamación da II República Española" e que "con ela as mulleres conquistaron o seu dereito ao voto". "Celebrámola para rescatar un recordo silenciado e coidar nosa memoria democrática. Igualdade, xustiza e liberdade", engadiu.

Tamén se pronunciaron desde Xuventudes Socialistas, asegurando que "a xefatura do Estado debe ser elixida libremente e en democracia por toda a cidadanía". O seu secretario xeral, Nabor González, asegurou que "é un exercicio de hipocrisía ter como representante dun estado democrático a alguén que non foi escollido democraticamente; mentres que o modelo republicano ten como base a participación cidadá".

¿Gustouche esta nova?
Colabora para que sexan moitas mais enviando un SMS coa palabra GC ao 25511



Comenta

Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións). Agradecemos a túa colaboración.

¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe






¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe


Comentarios

16 comentarios
  • Páxinas
  • 1
  • 2
  • 9

    Ghazafelho

    BRUNO: Que che parece o titular da noticia? NON VAS LARGAR NADA ?


    8

    Galego

    O discurso de Beiras de que a República española e case tan mala para Galiza coma o modelo actual xa non lle da votos así que de perdidos o río e veña a defender a unidade de España, fai uns meses xa se proclou unha república en catalunya pero esa os españolazos de pseudoesquerda non lles gusta. Os republicanos españois no ámbito da organización do estado ou os dereitos culturais das nacións sen estado son exactamente iguais co actual estado español.


    7

    Pondaliao

    A II república española foi a que nos puxo tantos atrancos ao estatuto galego, denantes e despois do levantamento fascista. Eu quero a república galega. A española para os nostálxicos dependentes dos xacobinos e imperialistas de podemos e izquierda unida

    1 resposta
    1

    Por nostrus: Os amantes da republica galega, que por unha banda sodes tan anclados ao pasado, e tan amantes da cultura e as tradicions....¿podedes dicirme ande se atopa un precedente de Galicia como nacion republicana?. O republicanismo galego non é unha ideoloxia seria e parécese mais a unha parodia mais propia do entroido.


    6

    Pondaliao

    A II república española foi a que nos puxo tantos atrancos ao estatuto galego, denantes e despois do levantamento fascista. Eu quero a república galega, a española para os nostálxicos dependentes dos xacobinos e imperialistas de podemos e izquierda unida


    5

    Pondaliao

    A II república española foi o rexime que tantos atrancos puxo ao estatuto galego, denantes e despois do levantamento fascista. Eu quero a república galega, a española para os nostálxicos dependentes dos jacobinos e imperialistas de podemos e izquierda unida


  • Páxinas
  • 1
  • 2
  • Manifestación a favor da República en Vigo / Miguel Núñez

    Roteiro polo Santiago republicano

    Esta sección conta coa financiación da Deputación de Lugo, do Fondo Europeo de Desenvolvemento Rexional e do Ministerio de Industria, Enerxía e Turismo.