Novos medios para manter o noso idioma, o mellor regalo no Día das Letras

Nacen LugoXornal, Xornal de Lemos e Xornal da Mariña, tres medios unidos co obxectivo de informar de todo o que acontece en Lugo, no Bierzo e no occidente de Asturias.

Por Galicia Confidencial | Lugo | 17/05/2018

Os lucenses están de noraboa. O Día das Letras Galegas trae un gran presente para toda a provincia de Lugo e as zonas galegofalantes do Bierzo e de Asturias. Nacen tres medios de comunicación co obxectivo de darlle voz a eses concellos do interior para que teñan máis vida, maís economía e máis dinamismo social, porque Galicia tamén é o interior, non só fachada Atlántica.
 
LugoXornal (www.lugoxornal.gal),  Xornal de Lemos (www.xornaldelemos.gal) e Xornal da Mariña (www.xornaldamariña.gal) abordarán a actualidade política, económica, cultural, deportiva e social de todas as comarcas da provincia. Prestará especial atención aos movementos sociais, ao medio ambiente e ao patrimonio e tentará tamén dar voz aos pequenos concellos que poucas veces saen nos medios.
 
VOZ AO GALEGO DO BIERZO E DO EO
 
Ademais, serán os primeiros medios en internet desde a época do precursor Vieiros en informar en galego sobre o que acontece nas zonas galegofalantes do Bierzo e do occidente de Asturias, espazos culturais, sociais e económicos que sempre tiveron relación con Galicia e, especialmente, coa provincia de Lugo.
 
ASOCIACIÓN CO GC
 
Lugo Xornal, Xornal da Mariña e Xornal de Lemos tamén estarán asociados a GC (www.galiciaconfidencial.com), o principal medio dixital en galego e un dos máis importantes no panorama mediático de Galicia, que lle dará soporte informativo, comercial e técnico. Todos estes medios contan cun acordo para intercambiar información e publicidade. O mesmo acontece con Xornal de Vigo (www.xornaldevigo.gal) que naceu o pasado 2 de maio. Deste xeito, todo este conxunto de medios consolídase como a primeira gran rede de medios en galego.
 
Este novos medio de información  contarán cun gran equipo de xornalistas e dinamizadores. Así,  Óscar Bernárdez Pérez e Millán Gómez Pérez estarán en Lugo Xornal, Ramón González Rey, Vanesa Gómez e Brais González no Xornal da Mariña e Pilar Vázquez Prieto e Xosé Manuel Fernández Montes, no Xornal de Lemos.  Desde o GC colaborarán Xurxo Salgado, Alberto Quián e Moncho Mariño.

¿Gustouche esta nova?
Colabora para que sexan moitas mais enviando un SMS coa palabra GC ao 25511



Comenta

Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións). Agradecemos a túa colaboración.

¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe






¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe


Comentarios

8 comentarios
  • Páxinas
  • 1
  • 2
  • 7

    Gamela

    Sería boa cousa que os novos medios ASOCIADOS a GC seguiran a senda da liberdade de expresión iniciada e sostida por GC durante todos estes anos! O digo porque é xa o segundo comentario que NON publica no Xornal de Vigo e non sei se se trata de problemas técnicos ou de censura ou rexeitamento por parte dos editores do xornal ? Para iso xa temos La Voz de Galicia ou o Faro de Vigo (expertos en censurar comentarios na prensa!) Graciñas.

    1 resposta
    1

    Por Viva a censura aos outros!: Gamela, censura é o que ti pediches repetidamente para comentarios que non che prestan. O censor agora moléstase polo que tanto reclamou, que caradura!


    6

    Bernardo

    Magnífico: é dinamizar Galiza.


    5

    Gamela

    Noraboa... (o enlace do Xornal de Vigo non fuca!)


    4

    GalegON

    Parabéns! En galego non sobra información, ao contrario.


    3

    Xenial

    Xenial contar con eses xornais locais, e penso que contribuirá moitísimo ao GC ao lle fornecer información local, que acho que era unha das súas eivas, así como información deportiva.


  • Páxinas
  • 1
  • 2
  • Equipo de Xornal da Mariña, Xornal de Lemos e Lugo Xornal

    Brais, Vanesa e Ramón, do equipo de Xornal da Mariña

    Esta sección conta coa financiación da Deputación de Lugo, do Fondo Europeo de Desenvolvemento Rexional e do Ministerio de Industria, Enerxía e Turismo.