Monforte, protagonista da ‘Volta a Galicia’

A capital da Ribeira Sacra acolle o domingo 23 de setembro a 4ª e derradeira etapa da 17ª Volta Ciclista a Galicia que conta co apoio da Deputación de Lugo e o Concello de Monforte.

Por X.M. Fernández | Monforte de Lemos | 21/09/2018

Por terceiro ano consecutivo, a cidade Monforte de Lemos será protagonista nunha gran competición ciclista. No ano 2016 foi sede da saída dunha etapa de “La Vuelta a España” e nos anos 2017 e 2018 anfitrioa da Volta Ciclista a Galicia.

Nesta ocasión acolle a etapa final da competición galega, etapa cun percorrido de 145,5 quilómetros con saída ás 10:00 horas dende a Praza da Compañía en Monforte de Lemos e a chegada ao mesmo lugar, sobre as 13:30 horas despois de percorrer as vilas de Bóveda, Sarria, O Incio, A Pobra do Brollón e Quiroga.

A Volta conta este ano con 19 equipos ciclistas, algúns de Galicia e outros do resto de España e algún estranxeiro. Segundo comentou Tomé en rolda de prensa, trátase dun evento que move moita xente, tanto da organización, unha caravana dunhas 500 persoas aproximadamente, como de espectadores e afeccionados ao deporte que se achegarán a Monforte. Todo iso, afirma, repercutirá positivamente no comercio e na hostalería da cidade.

Ao anterior, engadiu o alcalde, hai que sumarlle o potencial de audiencia deste evento nos medios da RTVG pois serán un escaparate inmellorable para dar a coñecer a riqueza paisaxística, cultural e monumental de Monforte e por extensión de Ribeira Sacra.

Á pregunta de GC sobre a iniciativa para formar parte do percorrido da Volta a Galicia e o custe económico que supón para o concello, Tomé explicou que Monforte ten unha etapa porque así o solicitou á Federación Galega de Ciclismo. E incluso se propuxo percorrido, que inicialmente prevía pasar polo Alto do Boi, pero a organización desbotou esta opción para este ano porque se excedía dos quilómetros que se contemplan para cada etapa. En relación ao financiamento, o rexedor monfortino matizou que os gastos de infraestrutura para acoller a saída e a chegada da etapa corren a cargo do concello e o resto de gastos da Federación Galega de Ciclismo relativos á organización sopórtaos a Deputación de Lugo.

A celebración do evento obrigará a cortar o estacionamento do espazo de aparcamento principal de Monforte, no Parque dos Condes, dende o sábado ás 20 horas, ata o domingo ás 16 horas, aproximadamente. Esta zona vaise destinar ao estacionamento dos vehículos dos equipos da Volta Ciclista.

¿Gustouche esta nova?
Colabora para que sexan moitas mais enviando un SMS coa palabra GC ao 25511



Comenta

Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións). Agradecemos a túa colaboración.

¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe






¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe



Técnico de Deportes e alcalde en rolda de prensa. Fonte: GC

Cartel oficial 17 Volta a Galicia

Esta sección conta coa financiación da Deputación de Lugo, do Fondo Europeo de Desenvolvemento Rexional e do Ministerio de Industria, Enerxía e Turismo.