Santos carga contra a dirección de Podemos: "Discriminan aos inscritos galegos"

Asegura que a dirección estatal limita a participación ao esixir a verificación de identidade, algo que non recolle o regulamento das primarias.

Por Galicia Confidencial | Compostela | 08/10/2018

A secretaria xeral de Podemos Galicia, Carmen Santos, cargou contra a dirección estatal de Podemos por "discriminar" aos inscritos galegos ao "pór máis requisitos" para participar no proceso interno no que o partido morado escollerá novos órganos de dirección e Secretaría Xeral.
 
Santos ofreceu declaracións aos medios nos corredores do Parlamento de Galicia este luns. Alí, trasladou a "preocupación" da dirección galega --que apoia a santiaguesa Carolina Bescansa para liderar Podemos Galicia-- tras coñecer unha decisión que consideran "discriminatoria".
 
Así, segundo a secretaria xeral saínte, a dirección estatal que encabeza Pablo Iglesias fixou como requisito para participar e votar nas primarias galegas que os inscritos verificasen a súa identidade presentando o seu DNI. Santos asegura que a decisión vai en contra do aprobado "na marxe das súas competencias" pola dirección galega.
 
E é que o regulamento das primarias, no seu apartado de 'Censo de votantes', establece que "poderán votar na Asemblea Cidadá' as persoas inscritas en Podemos Galicia que o sexan desde dez días antes do comezo das votacións". O censo quedou pechado ás 00,00 horas deste luns 8 de outubro.
 
Carmen Santos remarcou que este requisito non foi esixido para votar nos recentes procesos internos celebrados nas comunidades de Madrid, Cataluña ou Cantabria. "Non é tolerable que o noso inscritos non poidan votar da mesma maneira e teñan máis requisitos que os inscritos cataláns ou madrileños", apostilou.
 
INSTA Á DIRECCIÓN A QUE RECTIFIQUE
 
Así as cousas, instou á dirección estatal a que "rectifique" porque entende que a decisión "non ten ningún tipo de xustificación", xa que non favorece a "participación" no proceso e invade as "competencias" da dirección galega.
 
"Quero pensar que é un erro e que se vai a arranxar", engadiu Carmen Santos, que descartou comentar se cre que a decisión se debe á entrada en escena de Carolina Bescansa, enfrontada ao líder morado, Pablo Iglesias. "Non entro niso. O que quero é defender os dereitos dos inscritos", apuntou.
 
A cúpula da organización galega avanzou que este martes (día no que se pecha o prazo de presentación de candidaturas) reunirase de urxencia para abordar a situación o Consello Cidadán Autonómico (CCA), máximo órgano de dirección do partido morado.

¿Gustouche esta nova?
Colabora para que sexan moitas mais enviando un SMS coa palabra GC ao 25511



Comenta

Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións). Agradecemos a túa colaboración.

¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe






¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe


Comentarios

5 comentarios
5

Luteiro

Non me gusta Podemos, mais vai ser que desta volta ten razón Pabliño...é de sentido común.


4

sermos mantidos

Podemos afundindo a participación popular! Sendo así, o alcalde da Peroxa polo PP non poderá escoller entre a Bescansa e o Toné! Indignante! O caso da Lorena Ruiz-Huerta abandonando Podemos polo descafeinado do proxecto é unha tontería comparado con este gravisimo atentado contra a participación popular!


3

Marga

É inaudito e indignante! Agora para afiliarse e participar tes que dar o nome! Xa non podes ser un avatar! Ao final vai resultar que, se es do PP, xa non podes votar na web de Podemos!


2

anonimo

Pois o teu Secretario de Organización non opinaba o mesmo. Vese que dende la cadeira de mando, as veces, vénse garantías que logo, xa apeados dela trócanse en discriminacións. https://twitter.com/Podemos_Galicia...


1

Ferriño

OU sexa que pode votar quen queira sen identificar segundo Carmen Santos


A secretaria xeral de Podemos Galicia, Carmen Santos

Esta sección conta coa financiación da Deputación de Lugo, do Fondo Europeo de Desenvolvemento Rexional e do Ministerio de Industria, Enerxía e Turismo.