Galicia perderá en pouco máis dun século máis da metade da poboación do Estado

Galicia terá 138.799 habitantes menos nos próximos 15 anos se se manteñen as tendencias demográficas. Un total de 322.801 persoas vivirán soas en Galicia en 2033, case 50.000 máis que na actualidade

Por E.P. | Santiago de Compostela | 10/10/2018

Galicia perderá 138.799 habitantes nos próximos 15 anos se se manteñen as tendencias actuais en canto a fecundidade, mortalidade e migracións, de acordo coa proxección de poboación 2018-2033 que publicou este mércores o Instituto Nacional de Estatística (INE). Isto poría situar ao país por baixo do 5% da poboación do Estado --actualmente é de 5,78%--, cando en 1900 era dun 10,64%.

Deste xeito, a comunidade galega sería a segunda que máis poboación perdería en termos absolutos (só superada por Castela e León, con 205.948 habitantes menos) e a cuarta na que máis baixaría en termos relativos, ao descender un 5,1% (por detrás do -8,6% de Castela e León, -8,5% en Asturias e -6,6% en Estremadura).

De cumprirse a proxección, Galicia, que a 1 de xaneiro de 2018 ten 2.703.290 habitantes, pasaría a ter só algo máis de 2,5 millóns en 2033: en concreto, 2.564.491, segundo as proxeccións do INE.

O saldo vexetativo proxectado para o período 2018-2032 (a diferenza entre o número de nacementos e o número de defuncións) reflicte que na comunidade galega haberá 98,9 mortes máis que nacementos por cada 1.000 habitantes.

En valores absolutos, este saldo é negativo para Galicia en todos os anos que recolle o INE: foron 13.522 falecementos máis que nacementos en 2017 e prevese que sexan 16.964 mortes máis que nacidos en 2022, 18.329 en 2027 e 18.663 en 2032.

Si é positivo, mentres, o saldo migratorio exterior proxectado para o período 2018-2032, con 47,4 persoas máis que entran das que saen por cada 1.000 habitantes (o que mide este indicador en función do tamaño). Estatística establece que o saldo migratorio proxectado co estranxeiro será positivo en 9.464 persoas en 2022, de 8.093 en 2027 e 6.582 en 2032.

Pola súa banda, o saldo migratorio interautonómico está proxectado nun habitante menos que entra polos que se van por cada milleiro de persoas. Así, serían, en total, 441 persoas as que perda Galicia entre as que se van a outras comunidades e as que acoden doutras en 2022, 54 máis en 2027 e 450 máis en 2032.

FOGARES

Pola súa banda, a proxección de fogares do INE augura un crecemento en Galicia do 1,4% en 2033 respecto de 2018, con 14.901 fogares máis, o que situaría o total en 1.097.963.

O tamaño medio do fogar pasaría de 2,47 persoas a 2,31, mentres que a porcentaxe de fogares unipersonales na comunidade galega alcanzaría o 29,4%, desde o 25,4% actual.

Desta maneira, un total de 322.801 persoas vivirían soas na comunidade en 2033, case 50.000 máis das 275.097 que o fan na actualidade.

¿Gustouche esta nova?
Colabora para que sexan moitas mais enviando un SMS coa palabra GC ao 25511



Comenta

Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións). Agradecemos a túa colaboración.

¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe






¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe


Comentarios

2 comentarios
2

final

parécenme poucos... subestiman a emigración que agardemos sexa maior do esperado... polo ben dos novos e os seus pais, se queren que traballen. E se queren traballar na diputación xa é outra cousa non fai falta moito estudio.... así canto antes acabemos con esta agonía chamada Galicia millor ... aburiño.


1

anonimo

Eso é algo sen arranxo. Ningún partido político o pode solucionar.


Parella De Anciáns Paseando. EUROPA PRESS - Archivo / Europa Press

Esta sección conta coa financiación da Deputación de Lugo, do Fondo Europeo de Desenvolvemento Rexional e do Ministerio de Industria, Enerxía e Turismo.