O PSOE de Vigo acusa a Feijóo de "avalar os insultos machistas" do alcalde de Vilanova a Carmela Silva

O portavoz do goberno municipal, Carlos López Font, acusa o presidente da Xunta de ser "cómplice dos malos tratos verbais" á presidenta da Deputación de Pontevedra.

Por E.P. | VIGO | 10/10/2018

O portavoz do grupo socialista no Concello de Vigo e portavoz do goberno municipal, Carlos López Font, acusou este mércores ao presidente da Xunta, Alberto Núñez Feijóo, de ser "cómplice dos malos tratos verbais" do alcalde de Vilanova á presidenta da Deputación de Pontevedra, a tamén socialista Carmela Silva.

Font criticou que o presidente galego "ponse á beira" de Gonzalo Durán. "Agora, cando tivo que elixir, elixiu porse á beira dun difamador, con escusas mentireiras, que en ningún caso son admisibles", incidiu o concelleiro vigués, en alusión ás manifestacións de Feijóo, que recoñeceu que as palabras do rexedor de Vilanova non foron "acertadas", pero eludiu falar do seu cesamento e advertiu de que non admitía "leccións" do "concello máis bronco de Galicia".

Carlos López Font subliñou que o presidente da Xunta, coa súa actitude, "avala os insultos machistas", sen pedir as responsabilidades "que esixe a decencia política". Por iso, concluíu que é "cómplice dos malos tratos verbais" a Silva, que foi "insultada e atacada só polo feito de ser muller".

¿Gustouche esta nova?
Colabora para que sexan moitas mais enviando un SMS coa palabra GC ao 25511



Comenta

Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións). Agradecemos a túa colaboración.

¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe






¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe


Comentarios

1 comentario
1

Fartodehipócritas

Y de la ministra que dice que Marlaska es mari cón ¿no dice nada? ¿Tampoco dice nada de que es mejor un tribunal de hombres que uno de tías? Esto también lo dijo su ministra, aunque claro, como esta mujer se ha cansado de decir mentiras, seguro que piensan que eso que dijo no era verdad. Hace falta valor, hace falta valor...


Gonzalo Durán, alcalde de Vilanova / TVG.

Esta sección conta coa financiación da Deputación de Lugo, do Fondo Europeo de Desenvolvemento Rexional e do Ministerio de Industria, Enerxía e Turismo.