Sobe a inflacción en Galicia até o 2,3% en setembro

Volve á senda alcista após baixar unha décima en agosto, impulsada pola subida de vestido e calzado e en vivenda e transporte.

Por E.P. | SANTIAGO DE COMPOSTELA | 11/10/2018

O Índice de Prezos de Consumo (IPC) aumentou tres décimas en Galicia en setembro en relación co mes anterior e situou a taxa interanual no 2,3%, como a media. Este dato, que publica este xoves o Instituto Nacional de Estatística (INE), supón un repunte da inflación dunha décima, desde o 2,2% interanual no que se atopaba en agosto.

Previamente, baixara outra décima, respecto ao 2,3% no que xa estaba en xuño e en xullo. Durante os cinco primeiros meses do ano a inflación había ido escalando na comunidade galega: do 0,6% en xaneiro ao 0,9% en febreiro, 1,1% en marzo, 1,2% en abril e 2% en maio.

No conxunto estatal, o incremento mensual foi do 0,2% e no repunte da taxa interanual do IPC de setembro influíu principalmente a subida dos prezos da electricidade e, en menor medida, do gasóleo para calefacción e do gas.

Por comunidades, os prezos subiron en setembro en taxa mensual en todas as comunidades autónomas salvo en Asturias (-0,1%), Baleares (-0,1%) e Cantabria (-0,2%), mentres que en Murcia e A Rioxa mantivéronse sen cambios.

En termos interanuais, o conxunto das 17 comunidades presentou taxas positivas en setembro. A máis elevada correspondeu a Castela-A Mancha (+2,7%) e a máis baixa a Baleares (+1,9%).

BAIXA EN LECER E CULTURA E ENXOVAL

No caso de Galicia, o IPC anual da vivenda ascende a un 6,2%, despois de rexistrar unha subida mensual do 1,3%. O outro ámbito cunha inflación máis elevada na comunidade é o do transporte, cun 4,5%, após crecer cinco décimas respecto de agosto.

Ao lado contrario, anótanse taxas interanuais negativas o lecer e a cultura (-0,9% despois de baixar un 2,5% en variación intermensual) e o enxoval (-0,5%, após manterse sen variación nun mes).

O maior crecemento intermensual deuse en vestido e calzado (do 5,5%, o que sitúa a inflación destes produtos no 1%) e a maior redución foi ese 2,5% de lecer e cultura, seguida da que experimentaron hoteis, cafés e restaurantes (-0,9% en relación con agosto).

DATOS ESTATAIS

No conxunto estatal, a taxa interanual de setembro é a vixésimo quinta taxa positiva que encadea o IPC interanual e implica que os prezos son hoxe uns 2,3% superiores aos de hai un ano. A taxa de IPC interanual levaba dous meses estable no 2,2%, pero en setembro volveu a rexistrar o mesmo dato que en xuño, o que sitúa aos prezos en máximos desde abril de 2017.

A inflación subxacente, que non inclúe os prezos dos produtos enerxéticos nin dos alimentos non elaborados, mantívose no 0,8% en setembro, co que se coloca 1,5 puntos por baixo do IPC xeral.

No noveno mes do ano, o Índice de Prezos de Consumo Harmonizado (IPCA) situou a súa taxa anual no 2,3%, unha décima por encima da rexistrada en agosto.

¿Gustouche esta nova?
Colabora para que sexan moitas mais enviando un SMS coa palabra GC ao 25511



Comenta

Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións). Agradecemos a túa colaboración.

¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe






¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe



Variación do IPC en Galicia. EPDATA / Europa Press

Esta sección conta coa financiación da Deputación de Lugo, do Fondo Europeo de Desenvolvemento Rexional e do Ministerio de Industria, Enerxía e Turismo.