Por E.P. | SANTIAGO DE COMPOSTELA | 07/10/2019
O alcalde de Santiago, Xosé Sánchez Bugallo, considera que as opcións políticas "centradas" son "moi positivas" para o país e saudou o "xiro ao centro" que advirte no PP estatal, dirixido por Pablo Casado. "Probablemente teña un marcado interese electoral, pero oxalá sexa sincero", matizou.
Preguntado sobre a nova xestora do PP local dirixida por Borja Verea na rolda de prensa posterior á xunta de goberno local, o rexedor compostelán lembrou que esta centralización dos populares "xa lle soa dos anos 90" co expresidente José María Aznar. "Mariano Rajoy tamén o fixo e agora vexo que o novo presidente (Casado), despois do que lle pasou hai seis meses, fai outro xiro", explicou.
A pesar de ver "positivo" este novo posicionamento, Bugallo evidenciou que se se producira "hai 15 días non sería necesario" convocar novas eleccións xerais para o 10 de novembro. Así, pediu ao PP que "deixe gobernar" se "non ten unha alternativa".
"Se a suma de PP, Ciudadanos e, eu xa non subscribo o acordo con Vox, tivese maioría para gobernar, pois pareceríame razoable que gobernasen, pero é que se non a teñen o razoable é que se fagan a un lado e que deixen gobernar ao que ten maioría alternativa", expresou.
ELECCIÓNS EN PORTUGAL
Sánchez Bugallo tamén entrou a valorar os resultados das eleccións lexislativas deste domingo en Portugal, nas que o Partido Socialista conseguiu unha contundente vitoria, aínda que sen maioría absoluta.
Respecto diso, dixo que "lamentablemente en España" mírase "máis cara a Francia" en política. No entanto, suxeriu que se debe "mirar a Portugal con respecto e con algunha admiración", posto que o Goberno de António Costa conseguiu sacar ao país veciño da crise e que "non crecese só o turismo, senón o tecido industrial con medidas sociais" que manteñen a taxa de paro "no 5 por cento".
¿Gustouche esta nova?
Colabora para que sexan moitas mais enviando un SMS coa palabra GC ao 25511
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións). Agradecemos a túa colaboración.
O alcalde de Santiago, Xosé Sánchez Bugallo, en rolda de prensa. / Europa Press