Por Europa Press / Redacción | SANTIAGO DE COMPOSTELA | 13/03/2020
O presidente da Xunta, Alberto Núñez Feijóo, proclamou este venres que "neste momento non se reúnen as garantías para poder celebrar eleccións" nin se pode "concretar en que momento poderían reunirse o cento por cento". Por iso, tras remarcar que non forman parte da súa axenda e veas "secundarias", asegurou que ve "lóxico" que, "se non hai o cento por cento de garantías" para votar, non se celebren os comicios do 5 de abril.
En todo caso, tras manter unha reunión extraordinaria co seu Executivo na que adoptou varias medidas, apuntou que, unha vez que se declare o estado de alarma en España, quedará garantida "a seguridade" e tamén se poderían habilitar "mecanismos" que, chegado o momento, poderían dar base xurídica a unha suspensión de comicios que non ten precedentes en España.
En todo caso, rexeitou avanzar acontecementos e explicou que quedou co presidente do Goberno, Pedro Sánchez, con quen falou esta mesma tarde, de manter un novo contacto e abordar a situación electoral despois de reunirse o luns cos portavoces dos principais partidos galegos. Todas as formacións mostráronse xa favorables ao adiamento.
¿Gustouche esta nova?
Colabora para que sexan moitas mais enviando un SMS coa palabra GC ao 25511
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións). Agradecemos a túa colaboración.
Logo desta tolemia de confinamento masivo por Decreto, parece claro que o Sistema Democrático non é máis cun espellismo que permite aos Partidos alcanzar o poder e ditar cantas barbaridades se lles ocorra ! Vista a reacción da xente (docilidade extrema) parace claro que camiñamos cara a gobernos autoritarios lonxe de calquera sensaro republicanismo! Todo redúcese a un Decreto? O experimento social está en marcha (BigData) !
Coronavirus. Galicia pecha bares, restaurantes e cafetarías, excepto o envío a domicilio e a recollida en local. XUNTA / Europa Press