Felipe Pousada Prado, Presidente del Fórum Empresarial Hispano-Brasileño do Estado de São Paulo (FEHB-SP) e administrador provisional da Asociación de Empresarios Galegos de São Paulo ( AEGASP) amosouse moi crítico estes días coa decisión do presidente da Xunta, Alberto Núñez Feijóo, de fixar as eleccións para o 12 de xullo.

Actualmente o Censo de Residentes Ausentes (CERA) de Galicia é do 15%, e a gran parte deses votantes están en América, onde hai importantes restricións pola actual situación da COVID-19. O gran electorado galego en América está en Cuba, México, Venezuela, Arxentina, Brasil e Uruguai, algúns deles moi golpeados pola pandemia.

Pousada Prado lembra nas súas redes sociais que en Brasil, debido “á catástrofe da xestión de Bolsonaro” fronte ao virus, a situación “é aínda peor, case caótica”. E Brasil é o segundo país con máis galegos do mundo, segundo os datos do INE-Instituto Nacional de Estatística.

CORENTENAS EN BRASIL

São Paulo, Santos, Río de Janeiro e Salvador, as catro cidades brasileiras con maior número de galegos, están no epicentro da pandemia do Covid-19. No Estado de São Paulo, onde se achan a Cidade de São Paulo e a cidade portuaria de Santos, está a máis grande concentración galega de todo Brasil. Alí, o Goberno do Estado (goberno rexional) anunciou que imporá un “lockdown brutal para impedir os desprazamentos e así reducir a taxa e velocidade dos contaxios”.

As cidades de São Paulo e Santos, e as súas respectivas rexións metropolitanas, son as cidades que presentan altos niveis de contaminación por Covid-19. “A situación en Río de Janeiro tampouco é unha das mellores, onde se esixe atención debido á gravidade da enfermidade”, destaca. Pousada Prado lembra, ademais, que moitos destes galegos, xa maiores, están nos grupos de riscos da enfermidade, cuxa orientación médica é que non se expoñan e que queden en casa.

DIFICULTADES PARA VOTAR

“Como poderán os galegos, no medio desta tormenta, levar os seus votos a un posto de Correos, ou até a un dos Consulados Xerais de España en São Paulo, Río de Janeiro ou Salvador?”, pregúntase ao tempo que puntualiza que o Consulado Xeral de España en São Paulo está actualmente con actividades reducidas e con rotación do persoal de empregados para diminuír o risco de contaxio.

“Impúxosenos unha traba máis no exercicio do o noso dereito de voto? Tras sortear todas as dificultades impostas polo malogrado voto rogado, teremos agora que afrontar as restricións do Covid-19, para que podamos exercer o noso dereito de voto?”, indica.

¿CÓMO LOS GALLEGOS DEL EXTERIOR VAN A VOTAR EN EL MEDIO DE LA PANDEMIA?

El Presidente de la Xunta, Alberto Nuñez Feijoo, desea convocar las elecciones autonómicas en el próximo mes de julio, olvidándose de un dato importante y muy significativo:

— Felipe Pousada Prado 🇪🇸🇧🇷 (@FelipePousada) May 16, 2020