A morte dunha muller de 52 anos eleva a 609 os falecidos coa COVID en Galicia

Padecía patoloxías previas.

Por Europa Press / Redacción | VIGO | 21/05/2020



O falecemento dunha muller na área sanitaria de Vigo elevou a 609 o número de vítimas mortais do coronavirus en Galicia (477 en atención hospitalaria e 132 no interior de residencias de maiores), segundo informou este xoves a Consellería de Sanidade.

A última morte notificada é a dunha muller de 52 anos de idade, que se atopaba ingresada no hospital Povisa de Vigo, e que padecía patoloxías previas.

Con este falecemento, o número total de mortes rexistradas en atención hospitalaria na comunidade galega elévase a 477: 127 na área sanitaria da Coruña, 101 na de Ourense, 92 na área sanitaria de Vigo, outras 85 na área sanitaria de Santiago, 30 na área de Ferrol, 26 na de Lugo (dúas delas en atención domiciliaria) e 16 na área sanitaria de Pontevedra.

A estes casos hai que sumarlles as 132 mortes rexistradas dentro das residencias de maiores, onde non se notificaron novas vítimas desde hai dúas semanas. No entanto, hai que ter en conta que, dentro do cómputo de falecidos en atención hospitalaria, hai 139 persoas que estaban vinculadas con residencias.

Así, morreron con coronavirus en Galicia 271 persoas vinculadas con centros residenciais, o que supón o 44,5 por cento do total de falecidos con COVID na comunidade.

FALECIDOS EN RESIDENCIAS

Desde que se iniciou a pandemia, morreron 22 usuarios no interior da residencia DomusVi de San Lázaro, 21 na nosa Señora da Esperanza (Ourense), outros 20 na DomusVi de Cangas, 12 na residencia DomusVi de Barreiro(Vigo), 9 no Portazgo (A Coruña), 8 en DomusVi Matogrande, 8 en Remanso Claudina-Somoza, e 7 en Santa Teresa Jornet.

Así mesmo, informouse da morte de 5 usuarios na residencia de Moledo (Vigo), e 3 nas Fragas de Pontedeume, os mesmos que en San Pedro de Crecente, en DomusVi Concepción Arenal (A Coruña) e na residencia Divino Mestre de Ourense.

Finalmente, nas residencias Fogar Bellolar, Castro Caldelas, Caser A Zapateira (Culleredo), San Carlos de Celanova, residencia de Foz, A nosa Señora de Fátima (Barco de Valdeorras), San José de Ourense e Fundación José Otero de Santiago, notificouse unha morte en cada unha delas.

¿Gustouche esta nova?
Colabora para que sexan moitas mais enviando un SMS coa palabra GC ao 25511



Comenta

Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións). Agradecemos a túa colaboración.

¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe






¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe



Urxencias do Hospital Cunqueiro, en Vigo © Miguel Núñez

Esta sección conta coa financiación da Deputación de Lugo, do Fondo Europeo de Desenvolvemento Rexional e do Ministerio de Industria, Enerxía e Turismo.