O deputado socialista Gonzalo Caballero, anterior secretario xeral do PSdeG, informou na súa conta de Twitter de que a proba PCR que se fixo na pasada xornada confirmou un resultado positivo.

Caballero, que se confinou tras o positivo do seu fillo maior e que non acudiu á sesión plenaria desta semana, explica que "case toda a familia" resultou contaxiada coa covid-19.

"Algo de febre, catarro, síntomas de constipado... Afortunadamente, nada grave tras ter tres vacinas", relata. Finaliza o seu tuit apelando a que agora toca "seguir cumprindo cos protocolos e illados".