O calendario laboral de 2023 contempla un total de 9 días festivos que se celebrarán de forma conxunta en toda España, aos que se suman catro de carácter autonómico e dous fixados polos concellos, entre os que destaca o Martes de Entroido, o luns de Pascua e o 16 de agosto, Día de San Roque.

2023 será un ano cun festivo estatal máis que o 2022 que o sábado quedará atrás. En concreto, serán festa en toda España en 2023 o vindeiro venres 6 de xaneiro (Epifanía do Señor), o 7 de abril (Venres Santo), o luns 1 de Maio (Festa do Traballo), o martes 15 de agosto (Asunción da Virxe), o xoves 12 de outubro (Festa Nacional de España), o mércores 1 de novembro (Todos os Santos), o mércores 6 de decembro (Día da Constitución Española), o venres 8 de decembro (Inmaculada Concepción) e o 25 de decembro (Natividade do Señor).

Existen outros festivos comúns que as autonomías poden desprazar a outro día. Así ocorreu co xoves 6 de abril (Xoves Santo), que será festivo en Galicia, onde tamén se mantén o venres 6 de xaneiro, Día de Reis.  A eles súmanse os dous festivos de carácter autonómica, que en 2023 serán o 17 de maio, Día das Letras Galegas, e o 25 de Galicia, Día de Galicia.

Ademais, os concellos teñen a capacidade de decretar outros dous días de festa. A opción máis popular en Galicia é a do Martes de Entroido, que este ano cae no 21 de febreiro.

FESTIVOS 

A relación de nove festividades comúns a todo o Estado en 2023 é a seguinte:

-6 de xaneiro: Epifanía do Señor (venres).

-7 de abril: Venres Santo (venres).

-1 de maio: Día do Traballo (luns).

-15 de agosto: Asunción da Virxe (martes).

-12 de outubro: Festa Nacional de España (xoves).

-1 de novembro: Todos os Santos (mércores).

-6 de decembro: Día da Constitución Española (mércores).

-8 de decembro: Inmaculada Concepción (venres).

-25 de decembro: Nadal (luns).

Aos días festivos nacionais sempre hai que sumar os festivos autonómicos e dous locais, ata sumar un total de 14 días festivos ao ano.

UN ANO CON VARIAS "PONTES"

A celebración de varias festas en luns ou venres, pegados por tanto ao sábado e o domingo, permitirá contar este 2023 con algúns fins de semana máis longos do habitual no conxunto de España.

Así sucede co 6 de xaneiro (venres); o 7 de abril (Venres Santo), o 1 de maio, que en 2023 cae en luns; o 25 de decembro, que se celebrará tamén en luns, e o 8 de decembro, que será venres e que, sumado ao 6 de decembro (mércores) permitirá aos traballadores que poidan tomarse libre o xoves 7 gozar dunha ponte de cinco días.

Nas comunidades que optaron por celebrar o Xoves Santo (6 de abril), que son case todas, haberá unha ponte de catro días. E aqueles traballadores que poidan permitirse coller algún día libre, poderían alongar o fin de semana pola celebración da Asunción da Virxe (15 de agosto) en martes e a festa do Día da Hispanidade (12 de outubro) en xoves.