Rueda á alcaldesa de Santiago: "Quere contraprogramar a ofrenda ao Apóstolo"

Lémbralle que é a alcaldesa de todos e todas as santiaguesas e non só dos que a votaron.

Por Galicia Confidencial | Compostela | 13/07/2023

O presidente da Xunta, Alfonso Rueda, acusou á alcaldesa de Santiago, Goretti Sanmartín, de "contraprogramar" a ofrenda ao Apóstolo coa organización do acto civil 'Alba de Compostela', creado este ano polo novo goberno santiagués.
 
Despois de confirmar, a preguntas dos medios este xoves na rolda de prensa posterior ao Consello da Xunta, que non asistirá a este acto co que o Concello de Santiago quere homenaxear á sociedade civil compostelá o 25 de xullo, Rueda instou a Sanmartín a "rectificar" a súa decisión de non acudir á misa que forma parte da ofrenda ao Apóstolo, onde o propio presidente exercerá de delegado rexio.
 
Para o presidente, a alcaldesa debe estar presente, como representante das "institucións" galegas que é, no "acto central e principal" do "día da festa de Galicia". Ao seu xuízo, Sanmartín "está a equivocarse" porque como rexedora ten "que representar aos que che votan e aos que non che votan", unha crítica que, como lembrou, "está a dicirlle tamén o PSOE, que permitiu que fose alcaldesa, a alcaldesa menos votada da historia de Santiago".
 
Así pois, pediulle que "rectifique" e asista á celebración católica en lugar do acto civil que lle parece unha "equivocación" porque, segundo Rueda, ten unha intención de "contraprogamar" a ofrenda.
 

¿Gustouche esta nova?
Colabora para que sexan moitas mais enviando un SMS coa palabra GC ao 25511



Comenta

Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións). Agradecemos a túa colaboración.

¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe






¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe



O presidente da Xunta, Alfonso Rueda, en rolda de prensa / XUNTA - Arquivo

Esta sección conta coa financiación da Deputación de Lugo, do Fondo Europeo de Desenvolvemento Rexional e do Ministerio de Industria, Enerxía e Turismo.