Por Europa Press / Redacción | LUGO | 04/01/2024
O Consorcio Provincial contra Incendios e Salvamento de Lugo informou que o parque de Bombeiros de Chantada está pechado, como xa pasou o luns, ata este venres por falta de efectivos previstos nos servizos mínimos. Segundo detallou a Deputación de Lugo nun comunicado, dos tres efectivos que son necesarios para cumprir cos servizos mínimos, este xoves só se presentaron a traballar dous dos profesionais en cada un dos parques de Chantada, Barreriros e Vilalba.
En Sarria, dos catro traballadores que estaban previstos que cubrisen a xornada laboral, un deles secundou a folga. "O Consorcio tentou mobilizar desde outras bases, pero non foi posible porque todas cobren os servizos mínimos", detallou o goberno provincial. Así, avisados a través de comunicación certificada o retén designados no cuadrante para os diferentes parques, "tampouco se presentaron".
Ante esta situación o Consorcio decidiu recolocar aos dous efectivos de Chantada uno no parque de Vilalba, onde desprazouse co vehículo de altura, e o outro ao de Barreiros. O parque de Bombeiros de Chantada non prestará servizo ata este venres ás 9.00 horas.
¿Gustouche esta nova?
Colabora para que sexan moitas mais enviando un SMS coa palabra GC ao 25511
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións). Agradecemos a túa colaboración.
Parque de bombeiros de Chantada / XdL - Arquivo