Por Europa Press / Redacción | SANTIAGO | 16/02/2024
Case 59.000 galegos emitiron xa o seu voto por correo para as eleccións autonómicas deste domingo, o que supón un 37 % máis que nos comicios de 2016 e unha caída do 20 % en comparación cos datos de 2020, unhas eleccións con marca histórica de sufraxios a distancia nuns comicios marcados pola pandemia.
En total, ata o peche do prazo na noite do pasado xoves, foron admitidos 58.903 votos, é dicir, o 93,72 % das 62.831 solicitudes cursadas para as eleccións nas que Galicia decidirá o seu Parlamento para os próximos catro anos. Comparativamente, o voto por correo cae un 20 % respecto das eleccións autonómicas, marcadas pola súa celebración no verán de 2020, durante os primeiros meses da pandemia de covid-19 e nas que se alcanzou un teito histórico con 73.595 sufraxios.
Con todo, o número de voto por correo si sobe en comparación coas galegas de 2016 ao incrementarse, nas que se aceptaron 43.002 sufraxios, un 36,97 % menos que para a cita deste domingo. Por provincias, A Coruña foi na que máis votos se aceptaron (22.725), seguida de Pontevedra (18.980), Lugo (8.758) e Ourense (8.440).
DESPREGAMENTO PARA O DOMINGO
De cara ao domingo, Correos despregará un dispositivo especial composto por 2.349 profesionais para facer chegar os votos cursados ás mesas electorais. Ademais de persoal de repartición, oficinas e centros de tratamento, Correos mobilizará a todos os vehículos da súa frota para cumprir coa misión de entregar os sufraxios en cada colexio.
Tras a apertura dos colexios, un primeiro equipo entregará os votos en custodia nas 3.950 mesas electorais distribuídas nos 2.347 locais dos 313 municipios de Galicia. Outro grupo de empregados e empregadas fará chegar ás mesas electorais aqueles votos por correo que puidesen recibirse durante o transcurso da xornada. Por último, outro equipo recollerá o denominado "terceiro sobre", cunha copia do resultado do escrutinio, das mesas electorais de todos e cada un dos colexios electorais de Galicia.
¿Gustouche esta nova?
Colabora para que sexan moitas mais enviando un SMS coa palabra GC ao 25511
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións). Agradecemos a túa colaboración.
Unha moza no mostrador da oficina de Correos / Jesús Hellín - Arquivo