Por Europa Press / Redacción | VIGO | 22/02/2024
Un mariñeiro de 31 anos, natural de Ribeira, faleceu a bordo do pesqueiro 'Petrel', de pavillón malvino pero participado por unha armadora viguesa, cando se atopaba no oceáno Atlántico a dous días de travesía das costas de Brasil. Fontes consultadas por Europa Press explican que, a falta dos resultados da autopsia, crese que o mozo sufriu algún tipo de accidente cardiovascular, como poida ser un ictus, segundo información trasladada polo Centro Radio Médico no mar.
O falecemento produciuse o pasado martes en augas do Atlántico. Este xoves, o buque atópase no porto de Recife (Brasil), despois de partir do porto de Vigo o pasado 9 de febreiro. Agora, a armadora viguesa traballa na repatriación do corpo deste mozo, que era xefe de máquinas do buque.
¿Gustouche esta nova?
Colabora para que sexan moitas mais enviando un SMS coa palabra GC ao 25511
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións). Agradecemos a túa colaboración.
Barco pesqueiro / Europa Press - Arquivo